「下一站葵芳、The Next Station is Kwai Fong」,當我聽到呢句既時候我先回過神黎,我衝出車門,然後企咗係月台上,繼續回想岩先果一吻。

Michelle 無啦啦錫咗我一啖,唔通...Michelle 真係鍾意咗我?其實係果一刻,我完全唔知自己個內心想點,我究竟係咪都鍾意咗Michelle 呢?我唔知...但我明明係好鍾意表妹...無理由架!一定無可能架,激情黎,一定係一時既激情黎!我要拒絕誘惑!

我3點半黎到表妹學校,等咗10分鐘都未出黎。無理由架,表妹平時好準時放學架bo。

過20分鐘後,文珊急急腳黎搵我:「阿明,婉婷佢比阿俊整親呀...」

我拿拿林跟住入學校個醫療室,我一見表妹即刻係咁檢查佢手手腳腳,手腕紅晒,膝頭哥有d瘀咗。



表妹:「表哥...我無咩大礙呀...手腕有d紅咗同跌親下炸...」

我問:「咁叫有d紅?究竟咩事呀?」。

文珊:「果阿俊一個星期唔見佢,今日返黎成個人都好似唔正常咁架啦。到放學果時,唔知發咩神經捉住婉婷隻手,係咁話:「我好鍾意你架,比次機會我好無,最衰都係你表哥搶走你...」,之後婉婷不斷掙扎,好彩其他d男同學見到幫手拉開阿俊炸,但拉開果時,婉婷都唔小心咁仆咗落地。」

呢一刻我真係極嬲,完全想打阿俊一鑊金:「個pk俊呢?」

文珊:「好似比訓導主任捉咗去訓話」



過咗無耐,訓導帶埋阿俊同佢阿嫲黎

訓導:「婉婷,無咩大礙呀嗎?不如call白車啦?」

表妹:「Miss Lam,唔洗啦,我表哥黎咗接我」

果個阿俊依然係神情呆滯,果一刻我的確好嬲,但見到7老80既嫲嫲係咁幫阿俊求情,我都心軟落黎。

嫲嫲:「呢位妹妹,對唔住呀,係我地阿俊唔好,係佢衰,我返去會話佢架啦,你地比次機會佢啦」



表妹份人好心軟:「唔緊要啦,我同阿俊都係同學黎,一場誤會姐,無事既」

訓導對住阿俊同嫲嫲講:「雖然今次婉婷話算,但始終係屬於嚴重行為,所以都要記大過一個。」

成個過程,果個阿俊一句聲都無出過,完全都唔知佢諗緊d咩。

搞掂咗件事後,我、表妹同文珊都一齊走。行到學校大門時,文珊忍唔住問:「婉婷,頭先阿俊發癲果陣話,話你表哥搶走你,所以我係到估...估其實你係咪同你表哥拍緊拖...?」

其實文珊成日接觸我地兩個,慢慢發現到,其實都唔奇,我又見應該都滿唔落去:「係,我同緊婉婷拍拖」

表妹都點一點頭

文珊:「無論點都好,作為好姐妹既我,都會支持你。就咁啦,我行果邊,我走先啦。」

見文珊走咗,我問:「呢件事學校有無同姨丈佢地講呀?」



表妹:「我叫咗訓導唔洗通知我阿爸阿媽,我話表哥會黎接我,所以我頭先先叫文珊即刻去搵你」

我:「但你隻手同隻腳...姨丈佢地見到實問...」

表妹:「我等陣返到屋企換套長衫長褲遮住就得~」

我:「傻妹~行啦,快d返屋企,我幫你捽藥酒」

表妹嗲住咁講:「你咩我返屋企得唔得,我隻腳好痛..好痛呀~」

我烏低身,背向表妹:「無你符,快d上黎啦」

表妹:「哈哈,老公對我真好」



我一咩起表妹,我就講笑咁講:「你最近係咪食太多,咁重既?」

表妹拍咗我背脊一下:「你講咩呀!」

我即刻改口...:「無...無呀,表妹好輕呀..真係好輕呀..

表妹:「哼!唔睬你呀!」

我:「唔好呀,係我把口衰,你打我個嘴啦」

表妹真係伸手拍咗我嘴一下...

我:「你真係打架...」

表妹:「哼!當然!」



我同表妹就咁樣一路嘻嘻哈哈返到表妹屋企。
已有 0 人追稿