我打開whatsapp:

琴晚9點,Michelle :「阿明,你明唔明我錫你一啖既意思呀?」

琴晚10點,Michelle :「係咪我太唐突,所以你唔知比咩反應😣?

琴晚11點,Michelle :「阿明...?」

琴晚11點半,Michelle :「我知道你既答案啦,不愛我就拉倒!」。(幫周董打歌)





今日,Michelle :「點解你無返學?係咪出咗咩事?😳」

Michelle :「kelvin 同Mandy都話你無覆whatsapp,究竟咩事?」

Michelle :「阿明,見字回😥」

我再睇一睇電話,都有幾個未接來電,Michelle 最多,Kelvin 同四眼妹都有打。

我whatsapp覆返Michelle





我:「我入咗醫院,所以覆唔到whatsapp 😵」

隔咗唔夠5分鐘,Michelle 已經覆我

Michelle :「入咗醫院😱?發生咗咩事?」

我:「無咩大礙,比人扑穿頭...」

Michelle :「比人扑穿頭叫無咩大礙😵」





Michelle :「你邊間醫院呀!我過黎探你」

我:「xx醫院,5樓555號房」

Michelle 黎到醫院差唔多3點半,手拎住一袋二袋...

Michelle 露出好擔心既表情:「阿明...你無事呀嗎!?」

我:「無咩野呀,醫生都話我無咩事,過多兩三日就出得院」

Michelle終於笑返咁講 :「仲話無野!個頭包到豬頭咁!」

我:「頭包紮係咁架嘛...」

Michelle :「我買咗好多野比你呀,有零食、野飲、生果、連日常用品毛巾呀、牙刷呀都有買...」





我:「但洗唔洗咁客氣買咁多呀...」

Michelle :「唔知你住幾多日院,所以買多d嘛」

我:「係啦...對於你講果件事...」

Michelle 笑咗一笑:「等你好返先再講啦~」

4點左右,表妹都趕咗過黎

一入病房房門望到Michelle
表妹:「Michelle 你又黎咗既?」

我:「無...Michelle 知我入咗院,所以黎探下我」





表妹:「喔」,原本Michelle 係坐我床邊張櫈位,表妹一入黎就搶返黎坐。當然Michelle 好識大體,所以都讓咗比表妹。

Michelle :「睇黎你表妹都好緊張你wo」

我都有d尷尬咁講:「係...係呀」

表妹:「我緊係緊張我表哥啦」

6點半左右,我老豆老母都黎咗,一入到黎見到Michelle

我老母:「哎喲..阿明,呢位係...?」

我正準備開口,Michelle 講:「Auntie、Uncle你地好呀,我係阿明系asso既同學,我叫陳芷澄,你地可以叫我芷澄或者Michelle 」。





我老母見到Michelle 個樣呢...好似發晒光咁...,而老豆就係旁邊食花生睇好戲咁...

老母:「芷澄呀,真係辛苦你囉,要你黎醫院咁既地方探阿明」

Michelle :「唔緊要呀,我都係擔心阿明先過黎,先到佢無野,我都放心晒」

老母:「黎黎黎,坐低先。d野你買架?」

我:「係呀,Michelle 買過黎」

老母:「唔洗咁客氣架」

Michelle :「小小心意,至緊要阿明人無事」

老母:「搵日你要黎我屋企食餐飯呀,當我代表阿明多謝你既心意」





Michelle :「唔洗啦...」

表妹:「二姨,佢都話唔洗就由佢啦~」

老母:「唔得!一定要黎!到時我叫阿明帶你黎我屋企」

Michelle :「喔...好呀」
已有 0 人追稿