我和表妹的禁忌之戀: 第四部-第十章：住家飯

唔單止Kelvin 黎咗，四眼妹都有黎。

四眼妹：「阿明身體無咩大礙吧？」

Michelle 即刻伸返隻手出黎。

突如其來既兩個人，都搞到我有d不知所措...

Michelle 夠晒淡定咁講：「阿明比人扑穿頭，縫咗幾針，無咩大礙，過兩日出得院啦」



Kelvin ：「Michelle 咁清楚既！？」

Michelle ：「我琴日已經黎探咗阿明一次啦，所以比你地知多小小咁啦」

四眼妹：「你地兩地就咁係一張床到食早餐呀...？」

Kelvin ：「拿...阿婆走得快，一定有古怪！」

我：「屌你，Michelle 著得唔太方便，加上你睇，邊到仲有其他位姐...」



Kelvin 用好賤格語氣笑住講：「係既係既，我明白既」

可能Michelle 都覺得唔係幾好意思，所以都企返起身。

Kelvin ：「見你無咩野就得啦！但點解無啦啦比人扑既？」

因為我無過比佢地知，所以佢地緊係唔知。

我：「無咩野，小事黎」



Kelvin ：「實有野既，講啦！」

我又將我同阿媽佢地講既版本講比佢地知。

四眼妹：「而家d人咁狼死既...」

Kelvin ：「你表妹一定好靚啦，唔係都唔搵你呢個表哥尋仇啦！」

Kelvin：「咁而果個pk仔點呀？」

我：「因為果時街到有唔少目擊證人，而家好似比差佬落案起訴咩傷害他人身體之類啦」

吹咗幾句後，Kelvin 同 四眼妹都走咗，Michelle 就繼續留底。

我：「岩先..岩先Michelle 你...」



Michelle 笑一笑，然後講：「岩先做咩呀，我唔記得咗囉」

咁樣都好...唔係都幾尷尬，加上好彩Kelvin岩岩好到 ，唔係我真係做咗件大錯事！

Michelle 一直陪住我，期間又幫我剝橙食...斟水...十足似一個女朋友咁，我完全有一種比溫柔照顧緊既感覺...。 而Michelle 係住我床左手邊張櫈到，短裙美腿對住我，好鬼死誘人，真係好想揭開條裙睇下條底褲究竟係咩色...

三點半

Michelle ：「你表妹過一陣應該就會黎，我都差唔多啦」

我：「好呀，Michelle ...多謝晒你...」

Michelle ：「只要你星期六正正常常無事，可以同我出去睇戲食飯就得架啦！」



我：「實會記得既」

Michelle ：「咁我走先啦～」

我：「88...」，望住短裙既身影逐漸消失，我有小小失落feel添...。我再雙手拍一拍自己兩邊面，梁家明！你又諗咩呀！

4點鬆小小，表妹黎到啦。表妹一見枱面咁多野，即問：「講！邊個黎咗！」

嘩，好彩岩先Kelvin 同四眼妹黎果時有影相姐...。

我遞咗部手機d相比佢：「asso d同學黎探我炸，唔信你睇啦」

表妹：「哼！ 你而家有無再好返d呀？」

我：「無琴日咁痛啦」



表妹：「咁就好～黎，我剝橙比你食」

我：「我岩岩先食完兩個...」

表妹：「係咪我剝比你你都唔食呀！」

我：「食...多多都食...」

到7點左右，老母拎咗d飯比我食。

表妹：「二姨、姨丈」

老母：「婷婷又黎睇你表哥啦，真係乖女」



老母：「阿明，阿媽岩岩拎咗d飯比你，趁熱食咗佢」

一直以黎都覺得老母煮既飯麻麻，但自從食咗醫院d飯後...老母煮既飯果然係世界級。

老豆：「食到咁急，啃死你個衰仔呀！」

我：「因為阿媽煮得實在太好味啦...」

老母：「幾時變到咁識講野，平時係屋企又唔見你食多d」

老豆：「黎，等我仔細睇睇係咪果一野將個仔扑傻咗」

老母：「老豆呀！講d咁既野！」

老豆：「唔講啦唔講啦，衰仔你仲望仲笑，食啦！」

睇見老豆成日比老母食住果樣真係好好笑。