出院日(星期五)

今日老母請咗假黎接我出院,而正當老母幫我執緊野果時,Michelle 都黎咗。今日既Michelle 上身著露肩恤衫,下身就牛仔短褲,望落去好gfable呀...

老母一見到係Michelle ,再次笑到見牙唔見眼:「芷澄你黎接阿明呀」

Michelle :「Auntie 你好,我今日學校無堂呀,見無咩野做,所以咪過黎接阿明」

老母:「呵呵呵,而家真係好少有女仔好似你咁有心」



我同Michelle 互相點一點頭。

Michelle :「Auntie ,我黎幫你一齊執」

老母:「呢d濕碎野等Auntie 我黎搞,你坐低同阿明傾傾計先」

老母對住我講:「阿明你仲成碌木咁做咩,快d陪下芷澄,人地特登黎接你架!」

Michelle 坐咗落我隔離



我細細聲咁講:「唔好意思呀,我阿媽份人係咁架」

Michelle :「哈哈,我覺得你阿媽幾好呀」

-辦晒出院手續後-

Michelle :「Auntie ,d野好重下。等我拎啦」

老母:「哎呀,你邊到會夠Auntie 我大力。你呢,專心幫我手扶住阿明就得架啦」。老母講完就捉住Michelle 隻手,然後搭係我手臂到。



我同Michelle 互望一眼,我尷尬笑咗笑。之後Michelle 就咁一路扶住我到地下的士站。

Michelle :「Auntie ,既然你都有黎接阿明,咁我走先啦」

老母:「咁快走什咩鬼,我一個人搞唔掂架,芷澄你當幫下我呢個老人家啦」

我:「阿媽,誇張咗d wo」

老母怒睥住我,我即刻收聲。

Michelle :「咁呀...」

老母:「咁咩呀...有的士啦,上咗車先再講」。老母好一招霸王硬上弓,我心裡徹底佩服老母。

老母坐前面,我同Michelle 坐後面,望住雪白的大腿就係隔離,真係好想摸下...。



老母:「芷澄呀,今晚留低係我屋低食埋個便飯先走好無?」

Michelle :「好似唔係太好..」

老母:「咩唔太好,一於就咁話啦」

Michelle :「咁好啦~」

-返到屋企後-

老母對芷澄講:「你好好留係屋企幫我睇住阿明,Auntie 我而家去買餸」

Michelle :「Auntie ,我陪你去買呀」



老母:「Auntie ,自己一個就得,你坐低休息下啦,當自己屋企就得架唔」

老母好快就出咗門去買餸,留低我同Michelle ,得返兩個人係屋企,其實都幾尷尬。而我同Michelle 都坐係梳發到,是但搵d野黎傾下。

Michelle :「你屋企都幾大,裝修得幾溫馨」

我:「裝修d野 我阿媽一手一腳design架」

Michelle :「一手一腳呀!?」

我:「聽我老豆講我媽以前有讀過下design」

Michelle :「Auntie 好叻呀」

Michelle 指一指牆上d照:「哈哈,呢個細路一睇就知係你,你細個時好得意呀!」



咁樣比人贊法,都搞到我有小小面紅:「係..係咩」

Michelle :「係呀,肥嘟嘟,而個樣同而家都無咩變,一樣有d呆滯feel,哈哈」

我:「咩呆滯,我唔知幾醒」

Michelle再指一指d相 :「原黎你都去過唔少所地方旅行」

我:「係呀,我阿媽好鍾意旅行架,所以細個果時,我地一家成日出去」

就咁樣,我同Michelle 不斷圍繞屋企d野係咁傾。

Michelle 是日衣著示意圖