食完飯,我、表妹同老豆坐係梳發休息下。而老母就準備執枱洗碗。

Michelle :「Auntie ,等我幫你」

老母:「煮飯要你幫手,而家執枱又要你幫,而你都整親咗隻手指,我邊好意思呀」

Michelle :「唔緊要架,隻食指好小事,已經唔痛架啦。何況平時我係屋企都做慣呢d家頭細務」

老母雙眼發晒光咁款:「哎喲,而家好似芷澄你識煮飯又識做家務既女仔真係好少」





Michelle :「Auntie 你誇獎啦~」

表妹一聽到:「我又黎幫手!」

老母:「婷婷你隻腳岩先仆親整傷,你繼續坐梳發休息下,唔係等陣我比你阿媽鬧死我」

表妹扁晒嘴咁「喔」咗一聲。

之後老母同Michelle 入咗廚房有傾有講咁洗碗。





老豆都準備入房,入房前拍一拍我膊頭輕聲講:「衰仔,醒定d呀,點都好,總之唔好做出對唔住婷婷既事,唔係我就用碌棍隊穿你屎忽」。

講完我即刻都用手掩一掩屎忽位:「老豆,我知架啦」

老豆:「婷婷,姨丈入房休息下先,你同你表哥慢慢傾」

表好:「好~」

過咗15分鐘左右,老母同Michelle 都洗晒碗出黎。





Michelle :「多謝Auntie 呢一餐呀,Auntie d手勢真係好過晒出外d廚師」

老母又再一次笑到見牙唔見眼:「芷澄你真識講野,我d手勢邊有你講到咁好呀,呵呵呵」

Michelle :「我都差唔多時候要走啦」

老母:「係喎,都成9點半架啦。」

老母望咗我一下,然後講:「阿明,幫手送芷澄返屋企!」

Michelle :「唔洗啦,我住荔景好近架」

老母:「芷澄你住荔景呀,咁要多d上黎我食個便飯」

Michelle :「驚打搞到你地炸...」





老母:「邊會打搞,Auntie 我唔知幾歡迎你上黎」

Michelle :「咁好啦,我走啦」

老母:「阿明,仲坐係到?」

Michelle :「阿明唔洗送我啦,我自己走都得」

老母:「雖然話住得近姐,自己一個女仔都有d危險架」

老母獅吼功:「阿明!」

我:「係!而家即刻著鞋!」





表妹:「我又去!」

老母:「婷婷你隻腳咁,你留係到休息下,等表哥返黎再送你返屋企」

表妹扁晒嘴咁款

老母見到表妹咁,好細聲咁同佢講:「婷婷乖,唔好阻住你表哥同芷澄兩個」

表好:「喔」

我同Michelle 由屋企直到送到佢樓下前,一路都無講咩野。

Michelle :「我到啦~」

我:「Michelle ,我有d野同你講...」





Michelle :「我知你想講咩,你想講你同你表妹拍緊拖呀嗎」

我:「你點知架...」

Michelle :「哈哈,我估架,其實邊有表妹緊張個表哥緊張到咁架,何況你兩個又咁close」

我:「你知道...咁你又...」

Michelle :「因為我鍾意你!」

我:「但我地識咗無耐炸wo...」

Michelle :「因為阿明你係第一個唔會好似d狗公咁款接近我。而且..阿明你身上有好多優點...」





我:「我邊有有咁好...」

Michelle :「總之我對我鍾意既人係唔會咁容易放手,更何況...何況...你唔鍾意我咩...」

我係咪鍾意Michelle?其實我自己都唔知...

我:「我...」

Michelle 咀咗我一啖,然後轉身就走,我又比突如其來既一錫搞到我有d失魂。

Michelle 行遠咗十幾步路後再轉身對住我講:「唔好唔記得聽日呀,聽日12點我係你樓下等你~」,講完再次轉身行入地下大堂消失係我眼中。

點解Michelle 明知表妹係我女朋友仲要繼續鍾意我呢...我真係咁有吸引力? 真係諗唔通...總言之,以後盡量避免同Michelle 單獨再接觸好d。
已有 0 人追稿