拖住Michelle細緻白滑既手,Michelle 又成個人挨落我到,此刻我地兩個真係好似情侶咁,我...我都好似幾享受呢種感覺。而且周圍都好多對羨慕眼光望住我哋兩個。

我哋之後搭地鐵去尖沙咀果邊行下,我地一路咁拖住手行到7點左右。而我見肚都有d餓,而且都到夜飯時間,所以諗住去食飯。

我:「Michelle ,今晚你想食咩呀?放題?韓燒?打邊爐?」

Michelle :「無所謂呀,你想呢?」

我心諗Michelle 著到咁靚,都無理由帶人去食d平野架,加上平時Michelle 睇落去既樣就係食慣好野既人,所以我最後揀咗一間比較高級小小既餐廳食。睇黎銀包又要大出血啦,個心好似穿咗個窿咁。



坐低點晒野後,我又再收到表妹WhatsApp 啦

表妹:「老公你做未傾完呀☹️?」

我:「傾完架啦,同d同學食埋飯就返去,到時打比你好無😘?」

表妹:「知道啦😘」

我放低部手機係枱面上



Michelle :「表妹又搵啦?」

我:「係呀...」

Michelle :「哈哈,但你要記得你今日係我既男朋友」

我:「我知啦」

一樣食緊飯期間,Michelle 繼續用腳挑逗我。而今次更離譜既係,因為餐枱有餐布覆蓋,會遮住大部份既腳底位,所以Michelle 既進攻變得更激烈。Michelle 直情伸腳尖到我大脾內側磨擦,咁食飯法,邊有胃口呀...



我:「Michelle....」

Michelle :「做咩啫,我幫緊我男朋友舒服炸~」

食完飯後,我就直接打算送Michelle 返屋但,盡快結束一日男友既任務。埋完單後,我地兩個企係餐廳門口:

我:「不如我而家送你返屋企囉?」

Michelle :「好呀」。答應得咁順攤?

送到Michelle 樓下後

我:「咁我走啦」

Michelle :「夠12點啦咩?」



我:「未夠呀...」

Michelle :「咁姐代表你仲係我男朋友,咁你話男朋友係咪應該要聽女朋友既話?」

我:「係..但係...」

Michelle :「係就得啦,況且我地都仲有下一part未做...」

我:「下一part?」

Michelle 抬高腳尖咀咗我一啖,然後捉住我雙手放係佢腰兩邊,然後好用誘惑既眼神望住我講:「你覺得下一part係咩...」

做到咁出面我當然知道係咩意思啦



我:「一日男友,做呢d好似唔多合適咁...」

Michelle :「一日男朋友都係屬於男朋友,咁男女朋友做想做既事,有咩唔妥?」。

我:「無...聽落好似無唔妥...但我有女朋友架啦...」

Michelle :「我都唔介意,你介意d咩?」

我:「婉婷...」,表妹係暗角行咗出黎...我唔知表妹點解會係到,又夾岩睇到晒我比Michelle 錫果幕,再加上我而家攬住Michelle 條腰個畫面...

其實經過今日後,我好清楚要知道自己係絕對唔可以比Michelle 帶住我既感覺走,唔係會愈踩愈深。到時唔單止傷害既係Michelle ,仲會傷害我最鍾意既表妹。

而且由我今日拖上Michelle 隻手後,我明白拖住Michelle 既手呢一種感覺,並唔係我想要果種,因為無拖住表妹果一種開心感,而且想一直拖住唔想放手既果一種感覺。

我承認我係好容易就用下體諗野既男人,我好易就咁比Michelle 既美色所吸引,而且三番四次差d就做出對唔住表妹既事。



的確而且,Michelle 真係好完美,完全就係入得廚房、出得廳堂果款。但我明白我自己只係比Michelle 既肉體同新鮮感吸引住。

我表妹雖然成日好似低低bb,但夠晒天真純情、
佢雖然傻更更,有股傻氣,但佢一心一意咁只鍾意我一個、
雖然佢成日會鬧脾氣,但係發起脾氣時好可愛、
雖然我有時無理佢感受,但佢都唔會有怒氣、雖然佢好似長唔大咁,但我願意錫佢錫到佢一世都長唔大...

佢唔會介意我太多,聽晒我講,凡是都會好擔心我,雖然佢只係識喊,無其他野做到,但呢一切對我黎講已經好足夠。

我鍾意既係果一個係對我無怨無悔,寧願食魚蛋魚飽,都唔想我洗太多錢既表妹。我對表妹已經唔單止係鍾意咁簡單,而係...我愛表妹!

我推開Michelle ,想追上去解釋,但一切都太遲,表妹轉身跑出馬路,然後一架私家車快速馳過,「boom」既一聲巨響劃破寧靜既夜晚。

「表妹-林婉婷的自我表白」



我叫林婉婷,今年17歲,中五學生。我有一個好錫我既表哥,而佢同時都係我既男朋友,佢叫梁家明

由細到大,我都好鍾意好鍾意我表哥,我亦都有講過將來要嫁比佢,但果時佢一定係覺得我亂講,但其實我係好認架!到而家都係!

表哥有時會厭我煩,但我就係好鍾意痴實佢。我知我唔成熟,好幼稚,成日比佢話我傻。我係傻,傻到死心塌地咁鍾意一個人、傻到為佢付出我所有,包括我既第一次、傻到明白佢同Michelle 有野,都隻眼開隻眼閉、傻到而家要為佢付出生命啦嗎......
已有 0 人追稿