我和表妹的禁忌之戀: 第五部-第一章：有驚無險

個司機見有人突然沖出黎，為咗避開表妹而撞上石壆。

表妹成日呆咗係到，而我同Michelle 都嚇到傻咗。我回返神黎，即刻沖上去攬實表妹。

我喊晒口咁：「你...你做咩...咁傻呀...你知唔知你差d就...就咩架啦」

表妹都喊晒口咁：「「衰人表哥、死人表哥，我好驚呀而家...我唔怕死... 但我好驚會失去你...我好驚會比Michelle 搶走你...嗚...嗚...嗚」

我雙手抱住表妹個頭，用兩隻手指公幫佢抹走眼淚：「我...我唔會鍾意第二個，永永遠遠都只愛你-林婉婷一個，如果唔係，我就不得好死，天打雷劈，死無葬身之地！」



Michelle 見到呢一切、聽到呢一切後，轉身就離開，入返自己棟大廈大堂消失係我同表妹眼中。

表妹：「真既？...」

我：「我向天發誓！絕對真！今日我原本已經打算同Michelle 講清講楚！」

表妹吸一吸d鼻涕，然後講：「我...我仲以為...你已經比果個...果個Michelle 迷到失晒魂啦」

我同表妹相擁攬到實一實。



個司機阿叔：「我知我唔應該係呢個時候打搞你地兩個小情侶。但呢位小妹妹無事呀嗎？」

表妹依然未收到聲：「對...對唔住...我唔應該突然沖出馬路...我...我..」

個司機：「人無事就得，好彩阿叔我技術好，避得快」

過咗一陣後，警察都黎咗，落晒口供就放我地走。

-臨走前-



個司機：「後生仔，後生女，以後做事唔好咁衝動呀！」

我同表妹：「對唔住，我地知架啦...」

之後我同表妹對望笑咗一笑，今日呢件事雖然好驚嚇，但都同時令我明白我自己對表妹係認真，唔係玩玩下！

可能表妹到而家都未驚完，所以我送佢返屋企期間，都攬到佢實一實，盡量比多d安全感比佢。

-送到表妹樓下-

我有d好奇咁問：「點解你今晚會係Michelle 屋企樓下既？」

表妹：「我whatsapp收到張你同Michelle 行街睇戲既相...我其實都唔太相信，所以先到Michelle 樓下等你地，睇下係咪事實...點知...之後既事你都知啦」

我充滿晒疑問：「邊個send比你架？」



表妹：「我都唔知，我問返佢係邊個，佢之後就無再上線。而且我打過去都係電話暫時未能接通」

我：「咁奇怪...？」