我和表妹的禁忌之戀: 第五部-第二章：神秘人是誰

Michelle 返到屋企後，除咗條褸屌裙，行入浴室打開花灑，水迎面沖洗Michelle 塊面。

Michelle 痛哭起黎：「我無喊...無喊...嗚..嗚...」。Michelle 希望用沖涼水去掩蓋自己洗眼淚呢樣事情。

Michelle ：「陳芷澄，唔可以咁易就放棄！

-表妹樓下-

我：「黎，抹乾d眼淚先，唔係等陣比細姨姨丈見到你咁既喊款，實會問你發生咩事」



表妹：「知道啦...」

我：「你睇你，喊到成個豬頭咁」

表妹笑返：「哼！你講邊個豬頭！衰人！」

我：「拿，笑返咪好囉」

表妹：「Michelle 岩先咩都無講就上樓...」



我：「應該無事既....」。其實我對佢都幾內疚，講真...Michelle 真係一個好好既女仔，但而家...我好似傷咗佢心...唔知佢而家點呢...

表妹：「咁我都上樓啦～」

我：「好啦，咁我返到屋企打比你」

表妹轉身一走，我就拎起手機whatsapp Michelle ，因為大家係groupmate，我都唔想第時搞到兩個人好尷尬...

我：「Michelle ，無事呀嗎？」



隔咗一陣

Michelle ：「阿明...今日既事對唔住呀...」

我：「傻啦，都唔關你事」

Michelle ：「我始終都有少少過意唔去」

我：「我表妹都無事啦，所以唔好放係心上」

Michelle ：「咁好啦」

見Michelle 無咩野，我都放心d，諗住將部手機放褲袋前，手機又響一響whatsapp

Michelle ：「阿明，雖然我知道你而家心入面得你表妹，但我已經講過我唔會咁易放棄架！」



我都唔知講咩好...一方面知道Michelle 無咩事，我就放心落黎。但另一方面Michelle 話唔放棄，其實我都幾擔心，你話，一個正常男人點抵擋到一個靚女經常性咁猛烈既進攻呀，天呀，點解要比個咁難既考驗比我...

梁家明！企硬！

Michelle ：「仲有，今日個一日男友算中斷咗，所以你要補返比我！」

我：「至緊要係你無咩事就得，其他野...遲d先講啦」

我將手機放返入褲袋，一路行返屋企，一路諗表妹今日講既野。Michelle 成日都同我一齊，我地無影相，佢又無咩拎手機出黎。咁究竟係邊個跟蹤我同Michelle ，又偷影低我同Michelle d相再send比表妹，究竟係咩人會咁做...

我諗諗下都覺得驚，今日竟然比人跟咗成日，但我完全唔知道。呢個幕後黑手，我一定要搵佢出黎，都唔知佢仲有咩企圖！