接完表妹後,我就同表妹拖住手黎到葵廣掃街,有黎過既人都知,d美食真係多到你唔信,各款各樣既街頭小食都睇到你眼花撩亂,有日式、台式、泰式...無黎過既人,我阿明係非常推薦你黎!

表妹:「我有好多野想吃呀...」

我:「我都睇到口水都流啦,你想揀邊樣食?」

表妹:「嗯...玉子燒、芒果糯米飯、雞蛋仔、仲有個shake shake炸雞!」

我:「食咁多...你得唔得呀..?」





表妹:「我想食呀嘛...仲有我哋上次飲果隻青出於藍,好好飲,我都想要...」

我:「好好好,買晒佢比你」

表妹:「幾時都話你最錫我~」

飲飽食醉之後,就諗住同表妹去睇返場戲,放鬆下心情。行緊去戲院果時:

表妹:「如果我琴晚真係比車撞到既話,你會點?」





我:「我唔會再比呢d野發生架啦!」

表妹:「我話如果呀」

我:「我..我會傷心一世,然後孤獨終老,等自己內疚死」

表妹:「講到咁誇張,鬼先信你呀」,雖然表妹係咁樣講,但同時都露出好開心既笑樣。

我:「聽日我地去BBQ,你陪唔陪我去霸位先呀?」





表妹幸災樂禍咁講:「哈哈,今年終於輪到你啦。我唔濟架,上年得我一個去霸位,仲要比d蚊係咁咬,今次你自己去霸」

今日全程,表妹都橋得我更實、拖得我更緊,可能係因為Michelle 既關係,令到表妹更緊張我。不過好彩既係見到表妹開心返晒,我都無琴日咁內疚啦。

因為夜晚要返去幫手買同要準備聽日既野,所以我同表妹睇完戲就各自返屋企。

我一入屋企,聽到老母笑到好開心,跟著又聽日有一把好甜美既講野聲,而老豆就坐係梳化睇電視。我關上大門:

老豆:「衰仔,點解你咁有艷福架」,講完指一指廚房。其實我都知邊個黎咗。然後老豆繼續展開花生mode。而老母同Michelle 聽到門聲都出咗黎望一望。

老母:「阿明你返黎啦」

我:「係呀」,我同Michelle 互相點一點頭。

今日Michelle 夾岩同表妹一樣係黑白相配,上身係露肩鬆身衣,露咗兩邊香肩出黎,睇落真係好性感...而下身就著咗條白色短裙。其實我內心有一刻係到諗,如果Michelle 真係做咗我女朋友你話幾好呢,但呢個諗法比我瞬間消除。





老母繼續雞啄唔斷咁講:「我地聽日咪BBQ既,我怕芷澄一個人過節唔多好,所以咪叫埋佢聽日一齊去。芷澄又驚唔好意思,知道今日要準備聽日BBQ d食材,所以就過黎幫手準備。你話幾好既女仔呀,阿明你話係唔係姐!?」

老豆:「唔係你係電話到,死都要芷澄過黎咩?」

老母對住老豆講:「你唔出聲無人話你啞架!」

我望一望Michelle ,然後講:「又麻煩到你啦Michelle.... 」

Michelle :「唔會呀,同Auntie 一齊準備食材唔知幾開心」,Michelle 之後橋住我老母隻手:「你睇,我地幾似兩姐妹呀」

老母又笑到見牙唔見眼:「呵呵呵,芷澄真係好識講野,我都50歲啦,老啦,呵呵」

Michelle :「一d都唔死呀,睇落仲好後生!」





老母開心笑到收唔到聲...不過Michelle 氹我老母真係有一手...所以我老母係勁鍾意Michelle 。

老豆:「我入房恰陣,你地慢慢傾」

老母:「我地唔好理佢。阿明你返黎就岩啦,陪芷澄傾下計」

Michelle :「Auntie ,我繼續幫你手啦」

老母:「唔洗,auntie 自己搞掂」,講完就推Michelle 到梳化坐低。

老母:「我入廚房啦。阿明仲成碌木咁,快d坐低啦」

我「喔」完一聲,老母就入返廚房,廳得返我同Michelle 兩個人,但唔知點解個氣氛幾尷尬下...。

Michelle :「係auntie 點都要拉我過黎...」





我:「我知既...我阿媽性格就係咁...」

Dead air moment.....

我:「其實我...」

Michelle :「我明架,我都知你想講咩」

我:「咁點解你好似仲...」

Michelle :「阿明,我鍾意你!我都知道你都有鍾意我架...」

我:「其實我都講唔出我對你果種感覺係咪鍾意...但我肯定既係,我對我表妹係真心。」





我講完,Michelle 就突然咀咗過黎。唇與唇慢慢貼合在一起,係接觸既果一刻,我有一瞬間feel到Michelle 雙唇係柔軟飽滿,而且好有彈性。面對突如其來既一吻,我腦袋係一片空白,措手不及,到底應該點做好呢...

Michelle 是日衣著示意圖

已有 0 人追稿