第五部-第十七章:忠告

我入房後,再拎起手機call表妹,依然係無聽,而whatsapp 一樣係已讀不回。睇黎今次表妹堅嬲......我拎起個背囊放電腦枱上,再摷一摷,咦,裝頸鍊個盒係返到,打開條鍊安然無恙,唔通係我頭先無摷清楚?唯有聽日放學去接表妹時順便拎比佢。

我拎衫出去準備沖涼,一開房門出廳,就見到老豆岩岩沖完涼行出黎。我見老豆就講:「老豆你係咪用完廁所啦?」

老豆:「我出得黎,緊係用完啦」

我「喔」咗一聲諗住行入廁所,擦身而過果下,老豆咳一咳發出「喀」一聲。因為我唔知老豆係叫緊我既意思,所以我無理,照行入廁所。老豆繼續「喀喀」兩聲,我繼續無理,準備關廁所門。





老豆:「衰仔呀,係咪扮聽唔到呀?」

我黑人問號...

老豆:「叫緊你呀,死衰仔」

我:「老豆你叫我直接開聲呀嘛,你喀喀聲我唔明架」

老豆:「哎呀,仲駁嘴係咪?想唔想我打到你屎忽開花?」





我:「唔敢呀老豆,放過我屎忽啦」

老豆:「認真啦!」

我「喔」

老豆:「老豆提醒你呀,芷澄份人唔簡單,你自己醒返少少。」

我:「芷澄份人無咩野既...」





老豆:「拿,老豆講就講咗架啦,唔聽老豆言,你遲早就食幾篤屎」。講完就吹住口哨入房。

老豆成日奇奇怪怪...老豆好似唔多鍾意Michelle 咁。都正常既,老豆知道我同表妹既關係,當然唔會想我同Michelle 有任何瓜葛啦。

沖完涼後,我入返房再望一望手機,表妹依然無覆。但同時都見到Michelle whatsapp我:

Michelle:「阿明,訓完未呀?」

我:「我未訓呀」

Michelle :「不如我哋傾下電話囉,好無?」。女仔係咪咁鍾意傾電話呀...

我:「好呀」

覆完唔洗一陣,Michelle 就打過黎





Michelle :「喂,阿明?」,Michelle 電話入面把聲一樣係咁正...

我:「係呀...」

Michelle :「今晚我好開心呀,幫我同auntie 再講返聲多謝呀~」

我:「我幾驚你會唔好意思...」

Michelle :「無咩野呀」

我:「係啦,我岩先又係個背囊搵返份禮物...」

Michelle :「咁一定係你岩先大頭蝦無搵清楚啦」





我:「我都覺得係」

Michelle :「你聽日好快d拎返去氹你表妹啦」

我:「Michelle ...你真唔介意我同表妹既關係?只留係我身邊就得?」

Michelle :「係...只要阿明你有時間可以陪下我就得~」

我:「至於琴晚...」

Michelle :「我...我...無所謂架...」

我:「Michelle 你...你真係好好呀...」

Michelle :「咁你以後對我好d就得啦~」





-同Michelle 傾完電話後-

其實我仲未知應該點去處理同Michelle 呢段關係,因為唔想Michelle 傷心,又唔可以當琴晚件事無發生過咁。如果呢件事比表妹同老豆知道,我實九死一生...總之煩死我啦...

《陳文珊 與 林文俊》

時間:表妹車禍第二日

阿俊好嬲咁講:「你知唔知你差d害死咗婉婷啦!」

文珊:「阿俊...我唔想架...我都唔知會發生成咁...」

阿俊:「唔知!?成架車差d撞落婉婷到呀!」





文珊:「我...完全...完全估唔到婉婷會衝出去馬路...阿俊你唔好嬲...」

文珊:「而家婉婷都無事啦...」

阿俊:「如果婉婷有事,我就第一個搵你算帳!」
已有 0 人追稿