Michelle 橋住我隻手一直到佢屋企樓下。

我:「洗唔洗我送埋你上去?」

Michelle :「唔洗啦,我自己上去就得。你呀...你快d返去氹咗你表妹先」

我:「今日...今日多謝晒你呀。」

Michelle :「我講過唔會破壞你同你表妹既關係架嘛」





我:「總之...多謝你啦...」

Michelle :「搵日補償返比我就得」

我:「無問題呀」


Michelle :「咁我上去啦」

我:「咁好啦,你上到樓就WhatsApp 我一聲」





Michelle 踮起腳將雙唇輕輕貼上我個嘴,然後笑住講講:「我上去啦,bye bye~」。講完轉身就走。

好溫暖既一吻呀...我:「bye bye」

睇住Michelle 走後,我隨即拎起手機打比表妹,通咗但無人聽。再whatsapp 表妹:「唔好嬲啦,我記得你生日架,禮物都有買,但唔知點解就唔見咗...☹️」。依然無回覆,算啦,先返咗屋企先。

行返幾耐,就收到Michelle 既whatsapp:「我返到屋企啦☺️」

我:「好,我都返緊去」





-返到屋企-

老母好似係廳等咗好耐咁,一見我就咁問:「做咩咁早就返黎?」

我:「送完人唔返黎做咩」

老母:「哎喲,點解我會生你生到咁蠢架!人地芷澄明顯鍾意你,你仲成碌木咁?」

我:「媽,我攰啦,想沖涼訓覺。但岩先份禮物多謝阿媽」

老母見我個樣好攰咁,都諗住放我一馬:「我知到婷婷個性格,佢仲細,佢知道你無準備呢,實會唔開心同發脾氣架」

我:「總之多謝阿媽你啦,係啦,阿爸呢?」





老母:「去咗沖涼,你等佢沖完你先沖啦。阿媽仲要執埋d手尾」

睇黎都要諗諗計氹返表妹先得...

-陳文珊 與 林文俊-

追溯到阿俊扑穿阿明個頭後兩日。阿俊係阿媽律師身份既強力幫助下,暫時保釋咗出黎。

文珊:「阿俊...點解你要咁傻...為咗一個一d都唔鍾意你既人值得咩?」

阿俊狂吼「呀!!!!!」,然後講:「點解...點解我為婉婷做咁多野...佢而家連睇我一眼都厭多...」

文珊:「阿俊...你放心...我會令婉婷返黎你身邊!之後我地三個就會好似以前咁,一齊返學放學!」

陳文珊性格溫柔,自中四起就一直鍾意林文俊。文珊由中一起就同婉婷同班,所以兩人感情一直都好好。





因為阿俊知道佢兩個係好朋友,而且都知道文珊鍾意緊佢,所以就利用文珊同婉婷既關係去接近婉婷。

文珊知道阿俊鍾意既人一直都係婉婷,接近佢係為咗追婉婷,但文珊唔介意。因為文珊覺得咁樣起碼可以同阿俊做朋友。而且婉婷係文珊一直以黎既好朋友,所以如果阿俊同婉婷拍拖,文珊係唔介意。

但自從婉婷表哥出現後,婉婷、阿俊,同文珊鐵三角朋友關係出現咗變化。阿俊亦都愈得愈激進,文珊就一直勸阿俊放手。但文珊同時都知道,一個人鍾意咗一個人咁耐,而且終於開始成為朋友,睇見機會愈黎愈接近,阿俊點會咁輕鬆放棄。

鍾意阿俊既文珊唔想見到阿俊繼續咁落去,所以一直都暗中幫阿俊去拆散婉婷同佢表哥。
已有 0 人追稿