我和表妹的禁忌之戀: 結局篇-尾章：結局

事情完咗後，我一邊攬住表妹，一邊安撫佢既情緒。等表妹好返d後，我就準備離開咗醫院，諗住返屋企休息下。

臨離開時，細姨：「阿明，塊面仲痛唔痛？」

我：「唔痛啦，我抵打架...」

細姨：「返去叫你阿媽幫你搽下藥油，今日細姨係重手咗」

細姨係同我講返野，姐係原諒咗我？



離開醫院返到屋企後，一到入屋後，老豆一野轟落我個頭：「你個死衰仔呀，比錢你買套你買咗去邊呀？」

我：「老豆，我有買架」

老豆：「仲講！？有買呀拿！有買呀拿！有買呀拿！」。每講一句，老豆都哼落我個頭度一下。

老母：「阿明佢知錯架啦，唔錯就錯咗」

老豆：「唔可以就咁算，等我拎支棍隊爆個死衰仔屎忽」



我：「老豆唔好隊我屎忽呀..」

老母：「老豆！」

老豆：「講下笑姐。唔隊屎忽啦，咁買套錢拎返出黎！」

我：「邊有咁架...」

老豆：「係你零用錢扣！」



老母：「兩仔爺無黎正經！講返正經事啦，聽日夜晚我地全家一齊去醫院，順便對阿妹佢地正正式式道個歉」

第二日

老母同老豆早咗收工，我地買咗好多賠禮，5點半黎到表妹病房。

我行到細姨姨丈面前，90度鞠咗個躬：「細姨、姨丈，全部都係我既錯！我會負責架！」

細姨：「算啦，睇見琴晚咁既情況，細姨我都睇化咗好多」

老母：「哎喲，咁咪好」

細姨：「好咩，而家婷婷大咗肚，你話點算？」

老豆：「唔洗諗啦，等婷婷出院，我即刻拉個死衰仔同婷婷去註冊結婚」



老母：「係呀...咁樣我地兩家既關係都可以親上加親，呵呵呵」

細姨：「我唔會咁隨便將婷婷交出去！禮金，擺酒全部要做足」

老母：「無問題，呢樣唔洗阿妹你提，我都會做足比你」

睇見咁既氣氛，我同表妹都對笑一下。

《Michelle 》

望住林婉婷訓係病床上，而且仲有咗阿明既骨肉。Michelle 唔想破壞阿明既幸福...

Michelle 撥通電話：「對唔住，我睇怕唔可以繼續幫你」。



之後Michelle 為籌手術費，不得不將父母留下既樓賣咗。呢一間屋，有Michelle 同父母生活既兒時珍貴回憶、同時都係同嫲嫲生活到大既地方，係一個充滿感情既地方。Michelle 原本係唔想賣，但去到呢一個地步，不得不賣...

《陳文珊 與 林文俊》

陳文珊因被刺中重要部位，失血過多，搶救失敗。林文俊因精神失常殺人，而被判入院令，需要入精神病院接受治療。

林文俊：「我唔會就咁算架，哈哈哈哈！」

《一年半後》

因為擺酒結婚唔係話即時搞就搞到，所以係四老商量決定後，等表妹生咗個B後，再補辦禮婚同喜酒。

Kelvin：「Michelle 當時退咗學之後，究竟去咗邊呢？」

四眼妹：「崩口人忌崩口碗呀」



我怒睥Kelvin 一眼，Kelvin尷尬咁講 ：「Sorry，係小弟失言。不過真係完全估唔到，表哥同表妹竟然可以結婚」

我：「講咩姐你，誠哥夠同表妹結婚啦」

Kelvin ：「今日你大喜之日，我比面你！」

老母細姨對住d親戚：「坐坐坐，記得飲多幾杯呀」

老母對住細姨講：「拿，我地兩姐妹關係又多咗重關係啦，呵呵呵」

細姨：「如果你地刻薄婷婷，我實唔放過你地！」

老母：「由細到大，我都當婷婷係女咁睇，錫佢都黎唔切，點會刻薄佢。而家仲幫我屋企生咗個肥肥白白既孫，呵呵呵」



另一面，老豆同姨丈幫手凑住我個仔

老豆：「嘉謙，笑下啦，唔好喊...」

姨丈：「哎呀，等我黎啦好嗎？」

老豆：「我搞得掂架！」

姨丈：「你明明就搞唔掂，比我抱下啦...」

兩個人好似大細路咁爭孫抱。

到夜晚8點鐘啦，婚禮主持拎起支嘜：「請各親友先就座，跟住落黎新人準備要進場啦！」

婚禮主持：「我地而家有請新郎新娘進場！」全場燈光調低，然後射燈照住我同表妹進場。

與此同時，門口接待處，有一個抱住個B既女生：「我想問，呢到係咪梁家明同林婉婷結婚既場地？」

阿明親戚A：「係呀，你係？」

女生：「我係新郎新娘個朋友，我叫陳·芷·澄」

全文完