[愛情][少甜]我地係炮友定係情侶【每日00:00更新】: 6b

《張梓謙視角》
希雯喺新都廣場嘅門口氣喘吁吁咁跑出嚟，仲向後望咗幾眼。之後佢見到我企咗喺巴士站望住佢，就笑住咁行咗過嚟。
「做咩呀你？俾狗追呀？」做得frd嘅梗係要恥笑佢啦！
「你就俾狗追…嗄…我俾個好煩嘅人追住呀！」佢彎腰抖大氣
「哦~原來係俾狗公追」又恥笑佢，佢恨恨咁怒啤我「頭先喺學校接你個男仔就係今朝Sandy講嗰個人呀？」照咁睇條狗公應該係追求者or朋友之上。
「佢先唔係我男朋友呀！只係某次簽書會識到佢，然後又無端端咁同佢出左次街咋嘛！」佢雙手翹埋一齊，嘟起個嘴。

真係好可愛……

「點都好啦，總之你要小心D你都知自己事㗎啦！同埋下次一定要同我講，你唔好當我無到先得㗎」



「知啦大佬，送我返屋企呀～」小鳥依人嘅女仔真係好迷人
「咁你隻狗公點呀？」又恥笑佢

突然我感覺到一股殺氣……

好快我地上左㗎k51，喺上層揾到個雙人座一齊坐。
「借部電話嚟呀！」咁得閒梗係要了解我呢個情敵嘅為人
「吓點解呀？」希雯瞪大對眼望住我「拎你嗰部嚟交換先」佢又扮曬串串共咁啦，同以前一樣。
「give me a reason！我拎你部機就係為左幫你解決下隻狗公仔嘅問題啫，咁你拎我部親愛嘅手機嚟做咩喎？」理直氣壯就係勁


希雯將前額嘅劉海撥去耳背「首先，等價交換。其次，我懷疑你係喺車站等我。最後，我就係想攞你部機！」比我更理直氣壯嘅人就只有眼前呢位辯論隊長
「冤枉呀大人……」唯有乖乖地交換手機

佢得意咁笑咗下，然後熟練咁將我部機解鎖，我感覺我到我俾人侵犯緊……咳，係我部機俾人侵犯先啱。