[真人真事改編] 我係一個最愛hurt人感情嘅仆街校花: ［第三章］我好似有啲啲掛住佢......

調位後呢幾日對於我黎講簡直係生不如死，王活勤日日都係度扯我馬尾、拍我個頭、撩我講嘢......

4月17號，係我地調位後嘅兩個月，佢終於請左假，有一日無返學。

果個朝頭早，我簡直開心到爆炸！我耳根終於清淨翻一日啦！

就係咁，係呢兩個月黎，我終於可以第一次安安靜靜、專專心心咁上堂啦。

上到第三堂，又到左我最唔鍾意嘅英文堂。我一轉去左手面，正當打算張開嘴開話題嘅時候，突然發現—係窩今日王活勤無返學窩。





好吧，隔離無人，即係呢兩堂咁討厭嘅英文堂我要自己一個捱過去啦......

過左十分鐘，我又忍唔住轉去左面，再望翻去黑板。如是者，係呢兩堂難捱嘅英文堂入面，我竟然轉左去王活勤個位成五六次......

我究竟係度做咩啊？

我慢慢諗翻，係，一開始，我的確係好唔鍾意佢。

但係，再過多一排，慢慢慢慢咁，我好似已經習慣左佢嘅存在。





佢日日扯我馬尾、打我個頭、撩我傾計，我好似已經習以為常，我平時仲會陪佢傾計、打返佢轉頭咁添。

我好似......有啲啲掛住佢咁添......