《我拾到一本魔法筆記》: 【第一季後記】

哈哈，咁就寫完魔法故事第一季啦，講真如果要計依個故事已經寫咗兩年，從第一次動筆係2016年嘅5月，到之後停筆寫愛情故事、然後再重寫過個故事......

之前都講過，其實我每個故事都有唔少瑕疵，但都係盡我所能嘅作品，希望大家睇得開心～

唔知大家對依類作品有咩睇法，好期望睇完第一季結尾嘅大家可以比下寶貴嘅意見小弟～

之後就係多謝一直支持嘅巴打絲打們，老實講，其實一個創作嘅人有一個人睇已經好寶貴，多謝大家願意奉獻一路嘅支持，感激不盡！

最後，香港嘅創作需要大家嘅支持，希望大家對好嘅作品就努力去 support 佢哋，近年香港睇書嘅風氣已經漸變式微，如果大家真係想支持又有能力嘅話都可以買下書鼓勵下一啲堅持寫作嘅作家。書展就開始咗啦，期望香港嘅創作可以再次變得蓬勃。





最後，新故事應該唔寫愛情住，我諗住寫一個關於香港寫作嘅故事——《作家的末路》（預計後日連載）。

如果有興趣嘅可以繼續關注，如果未有興趣嘅都可以繼續支持其他努力寫作嘅講故佬！

無論大家係過客定繼續留低支持，衷心感激每一分鼓勵。

BTW 聽日有第二季序章，密切留意。

倖存 筆