《我拾到一本魔法筆記》: 【第二季序章】

「話說...我哋地下組織已經成功搵到『魔法煉獄劑』嘅源頭。」鐵目大哥在返回帕拉米爾的途中說道。
 
「究竟成件事嘅來龍去脈係咩？」我問。
 
「魔法煉獄劑嚟自犽月島其中一個用魔法公會合作嘅隱蔽組織所發明，最出其不意嘅係近兩屆武林大會都有選手服用魔法煉獄劑作賽...」鐵目大哥說。
 
「發明魔法煉獄劑比選手使用嘅原意究竟係咩...？」小月問道。
 
「我諗大家都聽過，武林大會背後都有高層意圖操控比賽，要知道有唔少對魔法有興趣嘅有錢人都會投注，而魔法公會就希望從中控制賽果、賺取龐大收益。」鐵目大哥解釋。
 




「不過...我諗依個隱蔽組織都唔係純粹爲收益咁簡單......」他續說：「經過武林大會之後佢哋就已經銷聲匿跡，再冇任何線索可以比到我哋，而魔法煉獄劑嘅藥方同來源亦都隨之曝光，依個隱蔽組織嘅目的究竟係咩...真係冇人知。」
 
「慢慢嚟，依家魔法公會啱啱瓦解，最重要嘅係鞏固翻犽月島先。」炫說。
 
「都啱，辦法總比困難多。」我笑道。
 
另一邊廂......
 
「Boss，我哋幾時再去犽月島？」黑衣人小聲問。
 




「等我化成完全體......唔單止犽月島，全世界都要視我爲王......」穿着黑色長袍的男人說...
 
..
 
.
 
那個男人名叫......「黯夜」。