那年，我為左發達去左做全職義工。: 《 4 利益 》

「後生仔，頭先我個女俾咗封利是你喎，分番一半嚟」

「阿江伯，你係咪睇錯左啊！你個女邊有比利是我呢」

「唔好扮嘢我個女次次上嚟都有5舊水利事比派飯個明嬸，明嬸返咗鄉下先至搵你地班後生仔嚟做義工，快d攞出嚟」江伯直情好似古惑仔逗d小學雞攞錢咁既樣

我摸摸褲袋，忍唔住屌左聲出嚟，點解佢個樣咁懵心水會咁清㗎，頭先派完飯比江伯，一出佢房，就有個40歲左右，帶黑超，拎住個hermes 既女人走埋嚟話唔該晒我照顧佢老豆咁樣，跟手就塞左封利是落我手。我估佢應該都係識咗個有錢老公就唔要老豆果d不孝子，不過有利是我理得佢呀。

我喺收入褲袋之際，秒速咁裝左一眼





「啡色！正，唔使乞都有五舊！」之後我就將封利是攝咗入我褲袋。

正當我以為呢＄500袋袋平安嘅時候，勢估唔到江伯竟然知道咗，而家重要求我分一半俾佢添。我梗係打死都唔制啦，我唔比你咬我呀！

點知王伯出其不意拍拍我膊頭「後生仔，你知唔知做義工係唔可以收錢架？」

講完王伯向我攤大手板並且嗌「陳姑娘！陳姑娘！」

陳姑娘就係我哋義工嘅leader，俾佢知道實鬧死。





「得啦得啦黃伯江伯，你哋點話點好啦下」講完兩個老野係我褲袋潛咗封利是出嚟，佢哋每人分咗200，即係我得返100？

錯啦，臨走佢哋叫我幫佢地買包紅萬......今次可以話係大失敗，但係正因為呢次嘅失敗，我發現到一個最重要最重要嘅成功因素...