那年，我為左發達去左做全職義工。: 《 6 獨立義工 》
我即刻上網google下有關動物義工既資料，係香港原來除咗SPCA呢個機構之外原來仲有咁多我連名都未聽過既動物保護組織。
不過，最令我驚訝既係，原來仲有樣野，叫「獨立義工」。獨立義工既神奇之處係，佢地係以個人名義去運作，冇慈善團體登記，冇牌照，冇政府監察，而最重要既係可以網上籌款！
我逐個自稱獨立義工既人既FB click入去睇，先講佢地會做d咩先，大至上都係半夜去餵流浪貓狗，有人求助就會接咗隻動物去睇醫生，照顧執到既動物同出領養等等....
對比而家個當我狗也不如既人渣老闆，呢d工作簡直濕濕碎啦！我決定先做貓義工，原因係流浪貓比流浪狗體型細，食量自不然細d，佔用既空間又比狗細，我就算要收留貓都易過收留狗。一於先做貓義工，睇下到時點再作打算。
不過咪住先，我屋企唔好話貓，哈毛Kitty都無隻，點做貓義工。領養一隻返嚟？
不了，因為就係爬文做資料搜集嘅時候，我見好多人話好難領養，d義工又要家訪又要查家宅咁，結婚未？有無拍拖？同邊個住？做咩工？人工幾多？一日有幾多個鐘頭係屋企？領養咗之後仲要成日send相比佢，萬一佢覺得你對隻貓唔好，佢就放你上網批鬥你，仲惡過共產黨。求人不如求己，等我自己捉一隻返嚟咪一樣。
就係咁，我就開始正式踏出我成為貓義工嘅第一步。