在IG上重遇你: 05

第五章

返到屋企，沖完涼之後，我開返手機，發現有幾個fd同群組whatsapp我。其中一個係Bobo，佢四點九左右搵我

Bobo：「多謝你送我返屋企，你返左去未？」04:43
Bobo：「你係咪訓左啦？」05:10
Bobo：「醒左就覆我」05:17

原來佢有搵我，不過依家應該訓左，晏啲先覆佢。點知突然顯示「在線上」，跟住「輸入中」，我心諗佢唔會冇訓，係到等我覆佢。





Bobo：「你終於上水，我以為你訓到死左:joy::joy:😂😂
我：「手機冇電，啱啱先返到屋企充電」
Bobo：「原來係咁，我以為你太攰添:sleeping::sleeping:」
Bobo：「你咁遲先返屋企，我就唔阻你訓覺，晏啲先搵你」
我：「ok」

好快我又去左搵周公，不過我比樓下啲五金舖嘈到訓唔到，結果十二點幾就起身。阿媽整左份三文治，放左係飯枱上。我一邊食三文治，一邊睇youtube。當我諗緊今日有咩做嘅時候，手機就響起，原來係我「基友」打比我。

我：「高佬輝，咁好興致打比我，做咩？」





輝：「本身約左班fd睇《復仇者》，點知有個臨時唔黎，多左張飛，咪問下你過唔過黎？」

我：「好呀！反正我都未睇，你地係邊間睇先？」

輝：「朗豪坊，你屋企附近。我地睇五點十分個埸，你自己預時間出黎。」

距離五點仲有三個幾鐘，我就搵下Bobo先。

我：「做緊咩？」
Bobo：「返左學校搵班fd食lunch」




我：「咁我唔煩你住」
Bobo：「:joy::joy其實我想問你下星期六得唔得閒？我想請你食飯。」
我：「應該得」
Bobo：「咁我約實你啦:blush::blush:」

本來諗住hea到五點先出門口，不過醒起自己個銀包冇晒錢，唯有早少少出去銀行㩒錢，順便幫阿媽寄埋封信。好彩預早左出門口，我去到戲院門口個時啱啱好。我見到高佬輝同埋幾個男女已經到左，我望真啲其中一個女仔，竟然係我心目中嘅女神 Queenie。

輝：「阿威，我以為你盪失路添，仲諗住叫人去接你」

我：「收皮啦，去完銀行㩒錢先遲左少少姐」

高佬輝走向我耳邊，細細聲講：「我請左你女神黎，比晒機會你，識做啦兄弟！」

因為《復仇者》實在太受歡迎，所以我地要分開坐。阿輝同佢女朋友加埋另一對情侶坐埋一齊，而我同我女神Queenie就坐左係側邊嘅雙人位。睇到中途嘅時候，我見佢好似好凍，所以除左件褸。





我細細聲講：「Queenie，你係咪凍呀？攞去披住先。」

Queenie講左句唔該，跟住大家就繼續睇戲。套戲完左之後，班女仔去左洗手間，而我地幾個男就企左係外面等。

輝：「叻仔，識得除件褸比人著，真係成個暖男」

我：「咪玩啦，唔通要人凍足全埸咩？」

輝：「有冇feel先？」

我：「有好感，但未到鐘意」

Queenie最先出黎，佢攞住我件風褸行緊過黎。

Queenie：「Steven，唔該晒你。頭先真係好凍，好彩你借左件褸比我，唔係我會凍到病」





我：「唔洗客氣」

望住自己女神，緊張到阿媽都唔應得。不過其他女仔啱啱好出黎，先唔洗dead air。本來佢地話一齊食飯，但我應承左屋企人返屋企食，就冇跟去。Queenie都話唔得閒，於是我就送埋Queenie去地鐵站先走，不過成段路我地都冇講過嘢，淨係最尾講左句拜拜就完，真係失敗啊！！