在IG上重遇你: 21

第二十一章

琴日撞親個頭，今日就比阿輝佢地笑左勁耐。雖然我早就預左比佢地笑，不過冇諗過佢地可以笑咁耐。

我：「你班仆街笑夠未，我淨係撞親個頭，腫左少少姐」

阿輝：「你個時搞咩，前面有條柱你都見唔到，一嘢就撞埋去」

Jason：「你係咪有自虐傾向，Steven？咁睇唔開嘅」





我無言而對，所以我選擇由得佢地笑，等佢笑到差唔多時候就會停。今日我地籃球隊有聚會，話要同某幾位師兄食下飯，順便交接下籃球隊嘅事務。

師兄A：「阿輝，隊長之位，非你莫屬啦！今年我睇好你地攞冠軍，唔好衰比我地睇！」

輝：「唔好咁講，其他人都有機會做嘅」

師兄B：「唔洗咁謙虛，有邊個可以同你爭姐？唯一可以同你爭嘅就得你好巴打阿威」

我：「我先唔做隊長，辛苦死人。阿輝你做啦」





食完飯，我地走左去Jason宿舍打機，途中我就諗住問下Bobo去唔去沙灘玩。

我：「你今個星期六得唔得閒？」
Bobo：「得呀，做咩？」
我：「我堂妹諗住去沙灘玩，咪諗住叫埋你😁😁」
Bobo：「咁我帶埋我阿妹去😊😊」

本來我唔想同阿輝講，點知佢一直企係我隔離，望住我同Bobo嘅對話。

輝：「基友，我諗你缺個壯男加廚師。不如帶埋我去啦！」





我：「你講到咁，唔通我仲拒絕你咩？」

輝：「多謝你呀，基友！」

本來諗住阿輝一個黎就算，點知我地走嘅時候，係宿舍附近撞到Queenie。跟住阿輝條仆街同Queenie講我地星期六去沙灘玩，問佢一唔一齊去，咁我又唔想同佢講冇預佢，結果佢就應承左去。

輝：「嗱，幫你約埋女神，今次你應該得手啦！」

我：「真係多得你唔少」

輝：「你講咩話？」

我：「冇嘢」





我真係有啲擔心個日會發生咩事？不過，如果可以趁機會同阿輝講清楚件事，我應該可以放下心頭大石。再加上我唔知Bobo同Queenie見面會唔會有問題，依家真係一波未平，一波又起。