【慎入.無厘頭重口味痴線故】好對唔住，我哋醫院嘅報告已經證實咗你。。。。。: 禍福

「兜夠啦，唔該車我返去喇。」

兩個鐘啦，佢依家先話唔兜都無用啦，嗰隻梁順記嘅燒鴨一定畀佢哋一家人食咗喇，今次玩完啦！

「你做乜無晒表情嘅，我要去呢個地方，麻煩晒噃。」

我從佢手上接過張紙仔，睇到上面寫住嘅地址，我差啲忍唔住叫咗出嚟。

「我屋企人等緊我返去食飯㗎，佢哋唔等埋我係唔會開飯㗎，快啲啦。」





佢個地址之所以會令我咁激動，係因為嗰度係梁順記呀，點解會咁㗎。

「小姐小姐，介唔介意我問一個問題，你係咪叫做梁雅芳呀？」

「哈你點知我家姐個名㗎？」

其實係我喺渣車途中起過佢哋底，不過就唔知道佢哋仲有個妹囉。

「你家姐個名喺香港好出名㗎，其實唔係，應該係你哋全家喺香港都好出名先啱。」





「唔通你係我哋舖頭嘅fans?」

既然梁妹妹咁問法，呢個真係最佳時機，一於向佢講明晒所有嘢啦。

「成件事就係咁樣，希望你媽媽唔會太留難我喇。」

「嗚嗚，估唔到阿岳你身世係咁可憐嘅，嗰隻燒鴨我一定會陪你搶佢返嚟！」

「抹吓啲眼淚先啦，其實大把人仲慘過我就真。」





梁妹妹接過我遞畀佢嘅紙巾，再將臉上嘅淚抹走。

「其實我喊嘅除咗係因為你身世，仲有係擔心我阿媽會點樣對你呀。」

「不如你講多少少呀，等我有個心理準備都好吖。」

「既然你咁想知，我就唯有對你坦白啦。」

聽佢講完，原來佢媽媽亦即係梁崔氏係個咁樣嘅人。梁崔氏原名崔曼儀，咁死老公呀要睇住間燒臘舖嗰啲背景嘢呢之前德叔都同我講過晒，所以都係嚟講重點喇。

話說梁崔氏喪夫之後經常寂寞難耐，愛好用金錢嚟收買年輕男士嘅肉體藉以麻醉自己。

而其中有幾次更因為同男伴玩得太激而差啲搞出人命！

待續...