第十六回 講數

纏綿過後我地一直攬實對方.
呢種感覺好溫馨好舒服.

我真係好鍾意呢個女仔,
希望可以同佢一齊,
但係May唔比.

[我有D野想問妳?]



[乜野呀?]

[點解妳家姐管得妳咁嚴?]

[因為佢係我唯一親人囉,其實佢...]
Ivy欲言又止咁.

[佢乜?]



[無野,遲D先同你講.]

[但係我現在有D野想同妳講.]

[乜野事呀?]

[妳家姐要我以後唔好再揾妳.]

[我唔理.我要同你係埋一齊.]



[但係咁樣....]

[總之我要同你一齊,邊個都唔可以阻我.]
既然佢都有咁決心,我真係要諗諗辦法說服May.

不知不覺原來差唔多天光.
[我都係出返先,費時比妳家姐見到.]
佢好似好唔捨得咁攬實我,不過最後都放手.

[唔.]

咁我又鬼鬼祟祟咁開門出去.
正當我靜靜咁關上門之際,

原來May已經企咗係身後.


仆街,呢次斷正.
佢跟住示以我唔好出聲,
跟住我同佢行咗出去露台,
佢又攞咗包煙出呢,我地又一齊企係到煲煙.

見到個天啱啱準備日出,天色仍然係藍藍地好鬼靚,
通常呢個時候我應該收工訓落床.

我望住May,見佢眼腫腫,尋晚應該喊咗好耐.
見到佢咁樣個心有D痛,我真係有D衝動想過去攬實佢.

[妳無野丫嗎?]
May只係低下頭,無回應我.

跟住佢又抽一口煙.


[你頭先係唔係同我個妹上床?]

[係...]

[你有無戴套?]

[無...]
佢跟住已經一吧車過呢,我無閃避由得佢打.

[你有無諗過會攪大肚架?]

[如果有咗我會負責.]
唔知點解May越講越慶.

[個個男人都係咁講架啦,到真係大肚咪一走了之.]



[我唔係,我都唔會,我出呢行古惑講義氣.]

[就係你地呢D人先最無義氣.]

[妳又唔係佢亞媽,妳有乜權管佢呀.]

[我地家事唔洗你理!!佢係我個妹我就有權管!!]
見佢處處迫人,條血比佢扣到見晒紅,
唔得啦,要出一發逆轉大技.

我即刻跪咗係地,
好真誠咁講:[May姐,妳比一次機會我,
我今日就同大佬講我唔做,我以後都唔會行古惑.]



正所謂男兒膝下有黄金,作為一個男人+古惑仔,面子比條命更重要.
佢係警察同樣係拜關二哥,佢應該明白呢個道理,希望可以感動到佢.