第十七回 用刑

上回講到我出一發逆轉大技力挽狂瀾.
見到我咁樣佢即時無聲出,
之後好平靜咁講.

[你企番起身先啦.]

[唔得,除非妳....]



我都未講完佢又再爆過.
[你唔好同我講我唔應承就唔起身呢D老土野呀.]

[我叫你即刻起身呀!!]
仆街連一發逆轉技都比佢破埋,呢鋪輸硬.

佢好兇咁啤實我,
[你醒咗現在可以走啦.]

唉~~~逐客令都出埋,無法啦.


我只好死死地氣企番起身行去門口.

當我地去到門口時,我令轉身,好想再望一望Ivy.
唔得,唔可以咁就認輸,出外掛都要.

我再一次跪係地一手拉住May隻手,
[當我求妳,妳比一次機會我,我真係好鍾意Ivy架.]
今次直頭講到聲淚俱下,我都唔知幾多年無流過馬尿.
點知....



[你走呀!!]
May一野將我推出門口,拉埋鐵摺.

我跪係門外:[May姐....]

[你係男人就証明比我睇你講得出做得到.]
之後佢準備閂門.

呢個時候,我見到Ivy行咗出呢講咗句:[家姐!!]
門咁就閂咗,我企番起身死狗咁.
一條友落樓下攞車.
無啦,連AC都Ban埋,無得玩啦.

當我上車之後諗:[唔係喎,佢叫我証明,咁啫係重有機啦.]
事不而遲,立即搵大佬.


點知打極電話都唔通,
頂你丫,潛水潛到電話都唔聽.

現在點算好?
又揸住部車漫無目的咁行,
係唔知點算好既時候,我揸咗部車番竇.
正所謂最危險既地方係最安全.

去到門口,果然鬼到無隻,
咁緊係啦,又唔係兇案現場,想有D乜野係到.

開門一入到去,
依!!有D奇怪點解有著燈既?邊個係到?
九成九係大佬啦,唔係佢重有邊個.



突然聽到有人慘叫:[呀.......]
真係大佬把聲,係房傳出呢,點解佢會慘叫?
莫非佢比傞佬捉咗係到用刑?
唔怪之得唔聽電話啦.

咁我現在咪好危險,
咪啦,走為上著.

正當我打算離開之際.
等等,又唔係殺人放火,做馬佚乍喎.
最多咪告不法經營色情場所,唔洗用刑呀.
咁啫係唔係傞佬啦?
仆街啦,重大鑊一定係仇家上門.
大佬平日同人咁多牙齒印.



跟住又傳呢大佬一聲好淒厲既叫聲.
聽到我心到寒埋.

好奇心驅使之下向房行過去,
一步一步向房前行,見到門無鎖上,有一線燈光透出呢.
開始聽到大佬急速既呼吸聲.

我想起早排睇過套戲,
個男士角比人監生剝皮都係咁叫.