[重口味][重甜愛情]三人世界: 第三十一回 成功轉變

第三十一回 成功轉變
總之佢老公一唔係到我就會上去佢屋企,

如果佢係到我地就會出去爆房,有時都會偷偷地係公司間士多房入面攪,好鬼刺激.

有次我地係屋企做完我問佢.
[敏,你現在同老公關係點?]
[咪同以前一樣,無乜點變.]
[佢...無覺得妳唔同咗咩?]
[我點唔同咗?]


[變靚咗,女人如果開心人都會靚D.]
[睇唔出你幾細心.]
[我對女人觀察力特別高.]
[你咸濕就咸濕啦.]

佢跟住係背脊揇實我.
[咁....妳會唔會同佢...]
[離婚?唔會.....我依然好愛佢,佢無做錯任何野,問題係我身上.]

咁呢樣我都知,性呢方面唔夾真係幾痛苦.


[華....對唔住,你唔可能取代佢.]
[我知....]

其實我都無諗過要D乜,當初都係因為鳩痕先攪埋一齊.

但係人呢架嗎,點都會有D感情.

所以我都不斷提醒自己唔好沉船呀.
[華,你咁後生,無理由繼續做呢D工架.]
[我知...但係我又唔係讀得書多.]


[你D數得唔得架?]
[OK啦,做乜咁問?]
[我教你玩股票.]
[吓!!....我從來都唔識呢D野架喎.]
[我老公教人炒股架,我都識唔少架,一於等我教你.]
[妳話乜咪乜囉.]
之後我開始跟佢學玩股票.

呢個時候先知炒股原來可以咁好搵,早知我就唔撈偏啦.

短短兩個月已經搵到成年人工番呢.
係時候可以搵Ivy啦,

雖然我學到樣唔錯既求生技能,但係我依家身邊又多咗個敏姐.



我人格上好似重衰過以前做古惑仔.

算啦,唔諗得咁多,見步行步.
今日我通知Ivy,我會去佢地屋企搵佢.
一早我就揸車過去,

重特登著都好鬼正經,恤衫西褲,成個飲樣咁.
去到佢屋企門口,估唔到咁就半年.

由撈偏轉咗做正行,完全無接觸過以前D人,

無落吧,無賭錢,無玩女人......

敏姐唔算係玩呱......
我噤完門鐘,門好快就打開.



Ivy一見到我已經眼濕濕跟住就飛身過呢攪實我.
同一時間,我見到May企係佢身後,

見眼都我只係笑咗一笑.
[你兩個唔好企係門口啦入呢先啦.]
入到屋後我將我呢排發生既事同佢兩個講.

當然無提敏姐呢一部份啦.

May同我講.

[華,恭喜你,唔係好多人可以走出呢個圈.]
[因為有目標.]



我嗰一刻唔係望住Ivy講,而係望住May望,

無辦法,佢真係好靚,佢好難令你唔對佢望多幾眼,

我知我好仆街,已經有個妹重對家姐起啖,

咁望下都得呱.