[重口味][重甜愛情]三人世界: 第三十二回 警察?

第三十二回 警察?

就係咁,我同Ivy又可以係埋一齊,
無耐我重搬埋過去同佢一齊住,
最初May當然唔鐘意啦,但係Ivy堅持佢都無辦法,只好接受.

同居好處當然無可以成日攪野啦,
咁我重有無同敏姐攪?當然係......有.

Ivy係性呢方面真係比較保守,佢基本上乜都唔係好想試.


對於我呢頭淫賤生物,敏姐係呢方面更識合我.
所以我一直有同佢保持有性關係.
好彩重年青力壯,就算同一日走兩場都無難道.

Ivy搵咗份美容院學徒做,May當然想佢繼續書啦,
但係Ivy話未有邊樣好有興趣,如果有到時再讀都唔遲.

我繼續返倉加炒股票,其實唔返倉都得,
不過我又想見敏姐,所以先唔辭職.



我同Ivy,May三個人D返工時間都唔同,
我地三個都要輪更,我同May大鑊D要返夜.

不過好多時我同May都會撞啱一齊放假,
所以間唔中我地都會一齊食飯.
同佢接觸自然會多咗,佢份人其實好鬼靜,原全唔似做警察.

今日我同佢又咁啱放假.
[May,去唔去睇戲?]



[你唔搵Ivy去?]

[佢唔睇恐怖片呀,我又想睇,見妳今日放假睇下妳有無興趣.]

[恐怖片....好呀我有興趣呀,幾點?]

[就現在.]
我上網買咗飛之後到差唔多時候就出發去老尖戲院.
初初睇都無乜野,睇睇下May開始唔對路.
原來有D人睇戲係坐唔定,不停轉身郁呢郁去.
好似比蟻咬咁.
我幾驚比隔離位投訴.

睇完我同佢去咗食飯.
May話:[頭先套戲幾好睇,有D位都幾赫人.]



[係咩?無留意.]

[你頭先無睇既咩?]

[有....]
唔通同妳講妳攪到我分晒心咩.

[May,點解唔見妳拍拖?]

[無人要囉.]

[唔係呀!妳都話無人要咁其他女人咪要跳海.]

[好出奇咩,無就無架啦.]



[妳眼角高乍,我就唔信無人追妳.]

[好耐之前有一個,不過....]
[不過乜?]

[唔想講.]
睇呢都幾傷下,都現在都放唔底.
呢個時候侍應走過呢問:[兩位想食D乜?]

[妳想食咩?]

[我想食蝦,你呢?]

[我想食牛排.]



[咁兩位不如食情侶套餐?]

我望住個侍應講:[我地唔係情侶呀.]

[咁....一樣都可以叫既.]

我再望一望May,佢好似無乜所謂.

[咁...好就叫呢個餐.]
叫完野食我地繼續吹水.

[May,其實妳守邊個環頭架?]

[咩野守邊個環頭?]



[我問妳番邊間警局呀?]

[咩野警局?]

[妳唔係做警察既咩?]

[邊個話架?]

[咁....點解妳好似咁清楚D江湖事?]

[乜要做警察先可以先你地D野咩?]
仆街,佢唔係警察唔通佢撈偏?
女人撈偏....媽媽生!!