被一個師姐收養咗【愛情】【校園】【武俠】: 第九頁：富二代暈車浪－調查篇

靖嵐：「學生會將佢同你講咗啦可～」「係呀～咁神秘做乜 一早同我講咪好～」靖嵐：「咁先有神秘感㗎嘛 啲飛我keep住啦」

然後whatsapp就多一個群組
除咗靖嵐同家川，仲有一個icon攬住隻熊嘅女仔－允寧。

香港嘅海洋公園同迪士尼一般我都好少去，因為如果想會直接去外國嗰啲，尢其迪士尼，香港基本上係迷你版咁。

出發前
靖嵐：「幫你執好咗啦 拎多件外套添吖」「唔係去做嘢咩...」靖嵐：「唔會全日工作掛 南北極嗰度好凍㗎 拎多件外套添啦」「係係」





家川同允寧都住沙田區，我地約係沙田等
我地兩個係樓下食完個早餐就由觀塘站出發去沙田站。

家川同一個女仔一齊，應該就係允寧，允寧着粉紅色T恤丶白色透透地嘅外套，同一條白色熱褲，佢個樣都幾得意～

家川：「喂～」靖嵐：「你地食咗嘢未？」家川：「我同吖妹食咗啦～」「佢係你吖妹！？」允寧：「你好吖～」靖嵐：「今日開始我地就一組啦～」

識咗家川咁耐都唔知佢有個妹，怪唔得每次去旅行都買啲咁女仔嘅手信，仲以為佢拎去溝女⋯⋯

巴士真係夠哂惡啃，上咗車都仲要行，張凳仲硬過石頭，塊窗仲要鬼死咁污糟，而且仲要同十幾個人一齊坐




.
.
.
靖嵐：「你暈車浪呀？面色咁嘅？」「嚇？暈車浪？」靖嵐：「家川 我同你換一換一位」

靖嵐同家川兩個交換左位，靖嵐依家坐咗係我隔離：「你瞓我膊頭度啊」之後就將我個頭放喺佢個鋪頭

由於暈車浪嘅關係，我成個世界好似停頓左，好似就快溶嘅感覺

程車仲有幾耐先完. . . . . .





待續