被一個師姐收養咗【愛情】【校園】【武俠】: 第十頁：相信隊友做法－調查篇

呢程車只有個幾鐘，而我就好似捱咗成日咁
家川拎出一個大約廿歳左右嘅男仔相出嚟：「呢個就係目標人物」然後再拎出一張女仔相：「呢個係佢女朋友 佢地今日會一齊嚟 所以兩個都要留意」

家川：「所以 我哋快啲去排動感快車啦～」又話來做野嘅. . . . . .「我地唔係要去搵目標人物咩？」家川：「 唔洗咁急～」

玩咗個「動感快車」，順便去埋「翻天覆地」，唔小心去咗「越礦飛車」，然後去埋「南/北極天地」。目標人物呢......

去到「尋鯊探秘」最黑嗰度，家川好快咁向前急行：「快啲啦」「睇住呀」家川撞到個人。家川：「O sorry」被家川撞到嗰個人：「咁撚急 趕撚住去死咩」「唔好意呀」

嗰個人行開咗之後




我有啲唔耐煩「你地想點呀 又話嚟做嘢 淨係係度玩」靖嵐：「志康你唔好急住先」允寧：「我地快啲出去先」終於肯做嘢？

去到「海洋冰室」家川拎咗部ipad出嚟之後開咗個地圖，一個黃色發光嘅圓點係地圖移動

家川：「如果正面捉佢 佢大可以叫職員捉走我地或者係人群走」「咁點解我地係咁去挽」家川：「我地頭先去嘅地方 其實全程都係跟緊佢 但一直冇機會落手 好彩佢去鯊魚館」「因為嗰度夠黑？」

家川：「無錯 咁我就可以好自然咁放個跟蹤器上去」「你地兩個都知？」允寧：「我地唔知㗎～只係大概估到啫 因為我地信呀哥～」

原來係相信同伴. . . . . .





家川：「我哋唔可以大搖大擺去捉佢 要唔可以俾人知嘅情況下」「佢依家好似去緊動感快車嗰邊喎」

家川：「我知佢去邊啦 靖嵐 你同志康一組盡快去「活埋空間」個鬼屋 等佢到咗之後同佢一齊入去 未有指示唔好行動 我同允寧係前面等佢」

我哋三個：「眀白」我地行比較近嘅跑趕過去，去到門口附近等佢。

待續