被一個師姐收養咗【愛情】【校園】【武俠】: 第十二頁：再次行動對策－捕獲篇

盡咗力仲想我地點呀！會長：「我想唔想咁」家川：「明白㗎啦 我地會盡力」

出咗學生會室。
家川：「我地去小組房間傾對策啦」我地去到小組房間。家川：「衰咗次唔緊要 最多去多次嘅啫」靖嵐：「我地依家點做？」

允寧：「不如我地直接搵個賣家嚟」家川：「唔係咁易㗎」允寜：「或者我哋試吓搵人買藥」家川：「呢個主意OK 我哋應該點樣聯絡個賣家」

允寜：「我哋可以試吓去暗網搵吓」家川：「咁我哋搵邊個去好？」我哋幾個互望咗一陣。「我去啦」

家川：「你真係得？」「我OK」靖嵐：「我唔OK 咁太危險啦 萬一有咩意外」





「無事嘅～」靖嵐：「一係我去」「放心啦 我唔會有咩事嘅～」家川：「咁志康你去同佢地交易 我哋幾個會喺附近 適當時候出嚟捉住佢 允寧 唔好玩電腦住」

允寧：「唔好嘈住先」隔左幾秒。允寧：「搞掂」「搞掂咩呀？」允寧：「我已經約咗個買家出嚟 天日下晝四點 大圍積福街204號」

「咁快？」靖嵐：「你要小心啲...」「知道啦～」家川：「嗰啲藥食完之後 身體會變到好強 唔排除我哋出嚟嘅時候賣家會食咗佢 傷害大家 有一定嘅風險 大家要小心」允寧：「呀哥 你要記住無論如何都唔可以用啲一招」

家川：「我盡量」「啲一招？」允寧：「我哋嘅先祖搵到本九陰真經 後來斷咗兩代冇再練收起左本秘笈」

家川：「後來我地兩個喺鄉下搵到 之後各自練咗兩套功夫 呀妹學咗摧心掌同白蟒鞭法 我就學咗大伏魔拳法同埋摧堅神爪 但當時我仲細 唔係好明摧堅神爪嗰一部份 最後練錯咗做九陰白骨爪」





允寧：「呀哥每次用呢一招都會損害到身體 使用一次嘅時候就會令手臂受傷 使用第二次會令到全身都受損 第三次使用就會五臟六腑都傷埋 如果再強行使用 後果就不堪設想」

有啲咁恐怖嘅功夫......允寧：「呀哥你記住唔好用！」家川：「係啦～」

繼續