被一個師姐收養咗【愛情】【校園】【武俠】: 第十三頁：成功捕獲賣家－捕獲篇

到咗約定時間，去到交易地點
入去後巷，一個帶口罩丶灰色帽嘅男人，擔住支煙靠埲牆，佢應該就係賣家。

「你就係賣家？」賣家：「唔」之後拎出一包藥出嚟:「三舊」

拎出張假鈔「唔洗找啦」放開張假鈔五百，捉住佢隻手。賣家：「喂！」「有啲嘢想請你返去問下」個賣家想扯開我隻手。

家川衝上嚟從後將佢撲落地，靖嵐跑過嚟用鐵線綁住佢對手。「郁唔到啦嘛！」

呢一刻我哋仲未發現，到時再去撲落地嗰下，佢包藥跌咗係佢前面，佢喺地下撲上前食咗包藥。





佢對眼嘅眼白開始變紅，起晒青筋，呼吸開始喘促。佢fing開咗家川

靖嵐：「唔好被佢走甩呀！」家川：「志康 鎖住佢呀！」「點鎖呀！」家川：「玄武拳呀！」有幾個招式係我腦海閃過，我走過去意圖鎖住佢。

個賣家捉住我隻手將我成個掟落地，再攞隻手叉住我條頸，唞唔到氣...面都紅埋...

家川跳起，佢右手指甲開始變黑伸長左5cm，右手手背到手臂突起青筋：「九陰白骨爪！」佢右手指甲插左落賣家嗰頭。

個賣家放開咗我：「嗄...」家川向後跳分開咗，靠住埲牆揞住隻手坐低咗，賣家嗰頭五個窿流緊血，啲血有少少紫色嘅嘢。然後瞓低咗。





靖嵐：「你點呀！」家川：「我冇嘢 快啲帶佢返去」允寧過咗嚟：「我帶呀哥去醫院得啦」

地下室
賣家綁咗係張凳度，學生會副會長：「好快啲講 啲藥係點黎 仲有幾多個賣家 邊個製造」

靖嵐：「會長呢？」副會長：「佢啱啱出咗去醫院睇你地個組長 你哋嘅工作完咗 可以離開」

我同靖嵐離開咗





待續