被一個師姐收養咗【愛情】【校園】【武俠】: 第十五頁：賣家神秘被殺－捕獲篇

學生會室
「究竟咩事」副會長：「唔知 我哋審問嘅時候 佢突然叫咗一下之後吐血」會長：「我返嚟嘅時候佢就已經死咗」靖嵐：「冇任何人？」副會長：「冇錯」

靖嵐：「可唔可以俾我睇吓個賣家嘅屍體」會長：「冇問題 過嚟吖」我哋去到一間房，入面有一張病床，賣家嘅屍體就瞓喺上面

靖嵐：「志康 幫我揭開佢件衫」「嚇...」靖嵐：「快啲啦」「係...」我真係好唔情願...話晒呢件都係屍體。

靖嵐：「同我再反轉佢個人」「係..唔好意思呀...」我照做，反轉咗個屍體，賣家背脊有一個隻黑色手印。

副會長：「係個黑色嘅手印」打到有個手印令到我聯想起一套掌法「唔通係摧心掌？」





靖嵐：「應該唔會係催心掌 因為識得摧心掌嘅只有允寧 而中咗摧心掌嘅人 表面會冇任何傷痕 但係五臟六腑就會破裂晒 所以一定唔係」

「好難先可以捉到個賣家返嚟 依家成個線索又斷咗......」會長：「你哋嘅任務係捉佢返嚟 今次唔關你哋 事 所以要俾學校問責嘅係我哋學生會」

「我哋使唔使去查吓邊個係兇手？」會長：「學校未落命令 所以暫時都唔使住 因為呢個兇手真係會殺人 貿貿然行動可能會有危險 何況你哋個隊長仲係醫院」

副會長：「家川今次真係白白犧牲...」

［醫院］




家川：「頂！」「唉 你冒住斷手嘅危險捉住佢 佢竟然咁都俾人殺左」家川隻手包到成隻糭咁。允寧：「到底係邊個！」

靖嵐：「我諗佢可能就係背後嘅元兇 因為驚佢會爆曬啲嘢出嚟 所以整死咗佢」

允寧：「學生地下組織嘅密室唔係個個都識去 兇手可能係學生會嘅人 又或者係學生地下組織嘅其他三組嘅成員」

靖嵐：「會長叫我地唔好查住 因為貿貿然行動 可能會有生命危險」家川：「佢講得啱 因為兇手可能真係會落殺手」

待續