被一個師姐收養咗【愛情】【校園】【武俠】: 第十四頁：沙灘相處時間－捕獲篇

靖嵐：「工作就做完啦 去唔去玩吓 獎勵吓自己～」「冇所謂 你想去邊？」靖嵐：「去唔去沙灘？」「依家？」靖嵐：「係呀～去坐下啫～」

［大浪灣沙灘］
我地兩個坐咗係沙灘，靖嵐：「你覺得點呀？」「咩覺得點呀？」靖嵐：「做咗學生地下組織成員 辛唔辛苦？」「OK啦～不過啱啱開始就成日都搵命搏」

靖嵐：「不如我地退出啦」「嚇 點解呀？」靖嵐：「我唔想你成日受傷同咁危險」靖嵐...你真係好溫柔

不過「唔啦 因為一直以嚟 我都係個有錢仔 所有嘢都係人地同我搞掂哂 未試過自己去守護一啲嘢 我學習守護 想保護大家」仲有你

靖嵐：「好啦～咁 我陪你～」「嗯～話說你成日嚟沙灘㗎？」靖嵐：「係呀 因為一直以嚟都係自己住 冇嘢做我會自己嚟坐下」呢一刻我覺得靖嵐真係好寂寞......





「你中意 我可以經常陪你嚟～」靖嵐：「好吖～」

「係啦 一直以嚟我都想問一件事」靖嵐：「咩事？」「你教咗我三套拳「伏虎拳」「玄武拳」「龍華拳」我知道呢三套武功係對應返東方嘅四大神獸其中三個嘅「白虎」「玄武」「青龍」咁點解會冇「朱雀」？」

靖嵐：「我都唔知點解 武當派就係冇咗朱雀嘅拳術 伏虎拳用嚟進攻 玄武拳用嚟鎖住對方 龍華拳用嚟防禦 各方面用途都已經有 所以可能係因為冇呢個需要」

靖嵐：「我爺爺曾經留低左本劍譜 需要兩個人先可以練成 等你遲啲功力有返咁上下 我同你一齊練～」「好吖～」

靖嵐：「所以為咗增加你嘅功力 過兩日我帶你去見一個人」「邊個嚟㗎」靖嵐：「七師伯 我太爺嘅七師姐 佢好好人㗎～」





電話：「啲啲啲啲 啲啲啲啲......」
［電話-會長］
志康：「喂？」
會長：「今次大件事啦」
志康：「咩事？」
會長：「賣家被人殺咗」

待續