被一個師姐收養咗【愛情】【校園】【武俠】: 第十八頁：俾人打到入院－日常篇

返到黎之後，唔知點解感覺怨氣好似又大咗。其中一個同學：「威啦 又師姐 又師妹 識食喎」我冇理佢。

個同學行過嚟：「喂～唔理我呀～」佢一手摷亂我個頭：「呢期你食得多啦～係威啲嘅～」之後喺度拍我塊面。得啦，我唔忍啦

我用玄武拳鎖住佢雙手，拖去門口成個fing出去之後坐返埋個位。

佢好嬲咁走過來我個位，同時：「屌你老母」就抽起我件衫。我再將佢成個扭落地，用力一巴車落去。扯起佢件衫迫佢埋牆。

差唔多夠好收手啦，我鬆開佢件衫，轉身返埋位。然後一下重擊從後將我打暈。
.




.
.
醒返係醫院
靖嵐坐咗係隔離：「你醒嗱～」「呢度係？」靖嵐：「醫院呀～咁耐唔見你返嚟之後打俾家川 佢話你俾人打到入咗醫院」家川當時唔係唔幫我，而係佢當時根本未上嚟課室「唉～」

靖嵐：「做咩同人打架呀 仲要俾人打到入院」「唉...你可以理解做校園集體欺凌」靖嵐：「佢哋做乜欺凌你」「帶佢係冇咗錢之後 以前得罪人 加上最近同你行得埋 最緊要大概係佢哋無聊得滯想搵嘢玩」

靖嵐：「咁衰都有嘅」「總之係唔好彩係啦～」護士入到黎：「你醒嗱 係咁嘅 你腦部受到衝擊所以昏迷咗 休息一陣之後再同你做個檢查」

「好吖 唔該你」之後就出返去。靖嵐：「點解咁渣俾人打到入出院㗎」「我點知佢哋會咁啫～我放過佢 轉身之後佢就一拳打暈我」





靖嵐：「係咪㗎～」「係喎 依家幾點」靖嵐：「六點幾啦」「你食咗飯未？」靖嵐：「未呀 一放學返到屋企就走過來 講起上嚟都有啲肚餓」

「我係醫院呢度有飯食 你不如去食飯先啦」靖嵐：「唔...好吖～」「你去醫院隔離餐廳食？」靖嵐：「唔係呀～呢度樓上有～」

「咁好呀～你去啦～」靖嵐：「嗯～」之後就行出去，點解你會咁熟悉醫院......

待續