被一個師姐收養咗【愛情】【校園】【武俠】: 第十九頁：出院回到家中－日常篇

護士：「冇咩事㗎啦 晏晝可以出院」「好吖 唔該哂」靖嵐：「係啦 上頭被咗裝備我地」「裝備？」靖嵐：「你嗰件都係我 返屋企被你試下」

「係學生會被我地嘅？」靖嵐：「唔係 聽講係一間外國公司捐畀我哋學校嘅地下組織 仲話指明係我哋組」「又會咁嘅？」靖嵐：「會唔會係你阿爸以前嗰啲生意朋友送？」

「唔係話學生地下組織嘅成員身份唔會比其他人知嘅咩？」靖嵐：「我都覺得奇怪 尤其你嗰件」「我嗰件？」靖嵐拎咗部電話出嚟：「你睇下」係一張黑豹套裝嘅相

「黑豹？」靖嵐：「係 捐贈者指定俾你」「唔通真係識我嘅？」

［屋企］
靖嵐：「你啊 下次小心啲呀 人地打你就要識保護自己」「知啦～」靖嵐拎咗條頸鏈出嚟：「試下啱唔啱～」「頸鏈？」靖嵐將條頸鏈帶係我條頸：「帶住佢先啦」





靖嵐：「撳一撳你頸鏈中間嗰個掣就得㗎啦」頸鏈個造型好似一條條野獸嘅牙咁，中間嗰牙有粒藍色嘅制「ok」

由醫院返嚟真係要去沖個涼，因為我覺得醫院真係好多細菌。靖嵐：「你啲衫呀 又亂放」「唔？」最後佢都係幫我拎咗去洗衣機

靖嵐：「或者你應該要學吓執嘢」「下次先啦～」靖嵐：「真係...如果我唔係度 你點算」「咁我咪搵你囉～」靖嵐拎住衫褲去沖涼：「無你咁好氣」

你應該唔會唔係度掛～依家十一月，下個星期考試，或者我應該温下書。
.
.




.
一個叔叔：「走呀！」呢度係？戰場！？一把女性聲：「志康！走呀！」佢好似家姐，但個㨾好似大好多。突然被個人捉住飛咗上城牆上面。靖嵐？應該唔係，只係一個好似靖嵐嘅姨姨。

我望向城牆下。數以萬計嘅弓箭由前方射向我哋，百萬大軍跑過嚟。

叔叔：「第一大隊上！第二小隊準備！」發生咩事？叔叔：「上啦！」好似家姐嘅姨姨同佢跳咗落去，靖嵐：「呀康 我地去啦！」「嚇？」之後就捉住我跳落去「呀！！」
.
.
.
「呀！！」我嚇醒咗。係夢？靖嵐由房行出嚟：「咩事呀？」「無...無事 發夢啫」靖嵐：「使唔使嚇到叫出嚟啊」「sorry...」靖嵐：「算啦 瞓啦」講完就返返去瞓。





待續