「我都唔知教佢咩好...」靖嵐:「你教佢一啲自保嘅功夫咪得囉」「咁易咩 我都係第一次教」靖嵐:「再唔係你咪教佢幾個功夫嘅精粹」係喎,咁咪得囉

「諗到教你咩啦~」俊銘:「嗯~」就好似靖嵐講嘅咁,教佢一啲精粹就得~
.
.
.
[食完晚飯之後]
家川:「好啦 我帶佢走啦」靖嵐:「下次再嚟玩啦~」俊銘:「嗯~」「唔好俾人蝦啦~」俊銘:「係~師父」家川同俊銘離開咗

靖嵐見我好似若有所思咁:「做咩呀 唔捨得你個徒弟仔呀~」「唔係~我諗緊頭先教佢嗰啲係咪可以變成一套拳」靖嵐:「哇~大師 守護江湖嘅和平就交比你啦」「在下武功平凡 不及師太萬份之一」





[whatsapp-群組]
家川:「聽日開會」
.
.
.
[第二放學]
「做咩咁突然開會?」家川:「尋日我同允寧查嗰件事」「原來係因為咁所以先將你表弟揼俾我」家川:「記唔記得個買家嘅屍體有個黑色手掌印」

「記得呀 做咩?」家川:「允寧」允寧喺部手提電腦 Click左入一條片。





片中一個疑似不良少年嘅人係後巷俾四個金毛包圍,其中一個冇着衫,而且印有左青龍右白虎嘅刺身,四個金毛準備出手,不良少年係佢哋身上每人打咗一掌之後,全部瞓低咗。而嗰個冇着衫嘅金毛背脊有個黑色掌印...

「咁嘅...」家川:「冇錯 殺死賣家個兇手應該就係佢 而且你睇吓」允寧拎張條片放大, Focus咗個不良少年個樣,個不良少年唔係邊個,正正就係會長...

家川:「條片係前年㗎」「點解你哋搵到嘅」允寧:「我哋入侵左學校個CCTV 而且仲搵到資料 會長係兩年前係個問題學生 後來突然轉態 變成模範好學生 後來就被老師推介做學生會」「唔通...」

未知:「你估中咗啦~」

待續