被一個師姐收養咗【愛情】【校園】【武俠】: 第二十頁：照顧家川表弟－日常篇

電話－家川
家川：「係呀 幫我睇住佢呀」

家川親戚去咗佢屋企，放低左佢表弟之後就同佢屋企人唔知去咗邊，但係佢唔得閒想叫我幫佢睇住個表弟

志康：「你叫允寧咪得囉」
家川：「交畀佢我更加唔放心 佢都要我照顧 我點敢叫佢照顧人」
志康：「唉 爭我一個人情呀」
家川：「得啦」





2 1/2 Hours Later...
家川表弟：「哥哥 我叫宋俊銘」「嗯 你好」家川：「唔該哂～」講完就走咗

對住靖嵐講：「交被你啦～」靖嵐：「關我咩事」「湊細路你最在行㗎啦」靖嵐：「平時照顧你呢個細路仲唔夠攰呀 你應承佢你搞掂佢啦～」「女神...」靖嵐：「女神都冇用呀」

「呀...你自己睇吓電視啦」講完就入房打開PS4......

過咗一陣
俊銘：「哥哥 我肚餓」我去靖嵐間房：「姐姐 佢肚餓喎」靖嵐起身去廚房整嘢食「等等啦～」繼續入房玩屠龍。





靖嵐：「你唔好成日打機啦 出嚟食嘢呀」「係～係」打左咁耐機，肌肉都有啲攰，行出客廳當做運動。

靖嵐：「姐姐整嘢好冇食～」俊銘：「好食呀」「好食呀姐姐」靖嵐：「唔係問你呀」「歧視我 一陣我喊俾你睇」俊銘：「好呀 我想睇哥哥喊」靖嵐：「咁你就喊啦 呀哥哥」你個塞豆窿...

其實家川仲拜托咗我一件事，就係教俊銘功夫，原因係佢學校成日俾人蝦，而佢兩兄妹嘅功夫又唔啱俊銘練。「俊銘 食完野落去 教你功夫～」俊銘：「嚇 做咩教我功夫」

「你表哥話你俾人恰 叫我教你功夫」俊銘：「唔濟 之後佢哋知道我識功夫就會打我」「你功夫打得好就驚佢哋打你啦～」俊銘：「Er...」

「快啲食完落去啦～」俊銘：「哦...」話就話教佢功夫，但係教咩好先得㗎...每套功夫都咁長，一日邊學得哂..





待續