「咔嚓!」我突然聽到房門開左既聲,minnie聽到聲都停左動作...

「終於黎啦,sor9我見brian佢黎前我就埋..」minnie講到呢度,突然停左,本來抱住我條腰既傷手都停左落黎.....

係邊個?唔會又多個人入黎3p掛?!

「你究竟係咪咁想比人屌屎眼姐?」
呢把聲.....係lucius...... !

lucius!好彩係你.....





好彩.....如果唔係你岀現...我已經比minnie...


佢好快咁幫我着翻好啲衫,就快速咁抱住我急步走岀酒店。

一路行,我本來想追問佢成件事既因由,點知已經比佢一輪嘴咁話翻我轉頭:「你做人可唔可以諗下後果?又盲又殘廢又弱雞,而家我懷疑埋你弱智,你入黎做咩鳩?!你講?!你入黎做咩鳩先?定你睇tvb睇到上左腦?覺得自己有主角光環可以抽得贏佢?!如果我啱啱入唔切黎,你有冇諗過會點?你個人咁衝動同啲mk扑野唔帶套一樣咁撚on9,完全唔諗後果!

從來....我都冇聽過佢一次過講咁多野......睇黎佢今次真係好嬲......





「我應承過自己,唔好比你好似上次咁受傷!林美玉,你再有下次自己亂黎既話,唔會咁好彩再有人趕得切救你!你再堅持做on9野我唔會對你客氣,知道未?!」

從來都....冇人敢好似佢咁...鬧我鬧到不留餘地....

比佢兇一兇....我竟然....好似小朋友做錯事咁....一句聲都唔敢岀....

淨係乖乖地聽話點頭....

死啦....唔知點解....聽到佢一輪嘴咁鬧我...





我唔單止冇嬲...重有啲開心.....

「重笑?!比個gay佬搞到你傻撚左呀?翻到去你就知死,呢單野我有排同你計!」

lucius毫不留情既語氣,但係我耳中,聽到內裏一絲既着緊同關懷...

莫非我真係有m屬性....?

「前面,左25入,停。」


揸翻架車翻屋企之後,lucius就拉住入屋,命令我坐係床唔準郁,之後我再聽到佢拉左張櫈坐過黎。

「講,你點解會係果度。」lucius冷靜翻咁問我。我唯有將我知道既野話哂比佢聽。

「大佬呀...所以你因爲懷疑我自己行動,你就單人匹馬入gay bar重去同人開房?我真係服撚左你。





第一,你覺得我會一個人冇計劃行動?我本來一早安排左幫手,點知你半路殺左岀黎搞到成個計劃亂哂。原本我已經比錢請左人同佢3p,到時就拎翻啲相威脅佢。

第二. 你可以唔信我既能力,但你都比下公德心質疑下自己能力吖?你去到冇左我,除左比人打同捅屎眼之外,重可以有咩作為?!

好彩你都蠢唔哂識send錄音比我,唔係我想上唔切黎救你。」

雖然...佢真係鬧到我一無是處,但...又好似駁唔到..妖...

「sorry囉,係我好心做壞事。咁我有冇破壞左你個計劃?」我細細聲咁問佢...

lucius聽到我道歉似乎都下翻啲火,「有既話,你而家重可以咁安好坐係度..?我一早放左針攝錄低佢房入面既行為,只不過....片既主角變左minnie同...你囉....」

下....咩意思?





「你點比佢搞既過程都錄哂...我...唉.....我有幫你打翻格send翻比佢,放心啦blur完個樣就算有人upload左冇人知你係女人。」

「我屌你呀!唔撚係掛!.....拍gay v咩屌....我唔想遲啲係連登見到 heidi 偽娘 屎眼瘋傳喎!...」仆街...早知係咁我打撚死都唔上去...

「放心啦,連登岀左名網絡孤島唔會傳到入去既。更何況....minnie已經見到條片,我啱啱收到msg佢話唔會再搞bosco。」

「佢會咁好死?....佢都驚比人知係gay咩?」我對minnie咁順灘有啲懷疑。

「我要脅佢,唔收手我除左會upload段片之外,重會請班打手傳佢有性病。佢濫就成個gay界都知,到時傳左岀去佢想揾食都幾難。」

lucius呢個人,真係做親事永遠都有後着。

**************************************

自從解決左bosco既煩惱之後,佢果然遵守承諾,除左比左一大筆經費我地公司之外,仲不停轉介左一大堆客人過黎我地公司。





只係過左一個月左右...nii萬事部加埋已經有成過千個客幫襯,連我都預料唔到件事會咁順利....

但越發展成功,代表住離我地同mia既戰爭又近一步....mia佢應該好快有下一步行動.....

一個星期之後,我同lucius如常翻公司處理合約,突然間lily,姐係我地個女秘書走左入黎我地房,好為難咁問我地:「有個客自稱係....老闆你細佬......佢冇booking就話要直接walk in見你,我話左要book,但佢死都唔肯走.......」

老闆細佬......

莫非....係lucy佢黎左....?