雖然.....我預左mia一定會有行動....
但我點都估唔到....黎揾上門既人會係lucy....

一個令我曾經為佢犧牲雙眼既人。

「雖然有啲岀乎意料,比佢入黎。」lucius深呼吸左一下,睇黎佢同我一樣咁緊張...計起上黎...我已經差唔到兩三個月冇見過佢...

隨住門外既腳步聲越黎越近...我不自覺屏住呼吸,大氣都唔敢抖。

「美玉,放鬆啲,有我係你隔離。」Lucius 拍拍我膊頭,有佢既支持我繃緊情緒都緩和翻小小。



「咔嚓。」隨住房門打開既聲音,我即刻成個人坐到勁直。

「哥。」係...lucy把聲.....

佢真係冇事.....唔知點解...可能....自從聖水件事之後,我以為再聽唔到佢把聲....而家...佢就正正企係我面前,但我已經再睇唔到...

「咁突然上黎既?又唔講聲先?」lucius笑住同佢閒談,但對話間兩兄弟似乎有一層好深既隔膜..講既野非常表面..

「哥....你隔離果位係....洗咪叫佢岀去先講..」



聽到lucy由以前成日嗌既林美玉....變左做隔離果位.....
真係....有啲難過....我同佢之間..已經再冇共同回憶....
個心好酸......

lucius突然搭住我膊頭,好堅定咁對佢講:「我得力女秘書美玉,我聽得既野,佢都一定聽得。」

好彩lucius開口,我都覺得留係度冇咁尷尬...

「細佬,你揾得我唔會無事既,有咩不如開門見山講左佢啦。」Lucius 一早就知佢黎係別有用心,所以索性直接問佢。



「阿哥...你...其實係咪想同我爭皇位?」Lucy 一開口,已經單刀直入問左條...咁...現實既問題。

「你唔係不嬲唔care做唔做皇咖咩?果陣都係mia過左黎我度你先同我爭姐。冇估錯而家佢都翻翻去身邊啦係咪?」Lucius 不慌不忙咁答佢。

但lucy仍然唔死心,「哥,之前你對mia所做既野,念左兩兄弟,同mia都叫我唔好再計較,我就唔同你計。
但係...我知mia內心一直好想做魔后,以佢既聰明才智,一定可以好好掌握魔后個位。
你知...我為左mia可以犧牲所有野,包括我自己。我鍾意左佢10幾年,我真係好愛呢個女人。我應承過佢,只要佢翻黎我身邊,我一定會比最好既野佢。
哥..我知由細到大,你都好錫我,我知你都鍾意mia,但都將佢讓左比我。
為左我,為左mia,
如何可以..當讓我最後一次,唔好同我爭皇位好冇?
我應承你,我一定會比翻相對既名譽地為比你。我只係....想我既女人幸福。」

Lucy佢....從來都冇停止過對mia既愛.....以前係,而家都係...



我不禁係度諗,佢盲左既時候咁啱我岀現係佢身邊...會唔會..佢一直幻想我係mia陪住佢....

我既岀現,就好似一個就比絕望淹死既人,伸手隨便一抓既水泡一樣,只係為左救命。

lucius聽完之後,沉思左一陣問佢:「mia叫你黎?」

lucy聽到之後極力否認,話係暪住mia過黎攤牌。

「我唔想..比佢覺得我係咁冇用既人。其實我有心拎合約一定拎到,只不過,我想揾你傾下先。我知你呢排傾家蕩產搞呢壇野,但既然搞完最後都唔夠我多,不如轉過黎幫我,慳翻啲力水好過。」Lucy 雖然表面咁講,但當中我聽到佢對自己既不信任同缺乏信心既語氣,先會越講把聲越細。

依我估計,lucy擺明驚自己會輸比佢,所以先突登過黎求和。mia用lucy過黎打親情牌,既然佢地識左咁多年,mia一定摸清lucius係錫細佬既人。

佢呢招真係高招。

如果lucius應承,咁我地之前既努力就白費哂,同時都無辦法揭穿mia既真面目。



但拒絕既話,mia一定會用lucy作為工具,向我地作下一步計劃。lucius最錫既細佬就會淪為mia耍手段既棋子,同時佢地既兄弟情都好大機會決裂。

係我既話....我都唔知應該點做...

lucius沈思左一陣,終於開口。

「我可以答應你,不過我有條件。

一.我要mia還翻雙眼岀黎

二.我要佢將我既能力還翻比我

完成到以上條件,我就唔同你爭。



否則,呢個皇...我坐硬。」

睇黎lucy冇諗過阿哥完全唔受兄弟情影響,反而好似做生意咁你賣我買,公平交易...

不過,lucy究竟而家擁有咩記憶?佢知唔知佢阿哥已經無哂能力?

「當初你咁對佢....佢先迫不得已偷走你既能力...佢唔想再有下一個女人比你既能力傷害先咁做。

雖然...我重係有嬲你點解要咁對佢..但念在我地兄弟一場,我會翻去勸下佢比翻能力你,我都明作為魔鬼,冇左能力實在係好痛苦。

至於mia對眼,我係絕對唔會拎走,你要其他人既眼,我都可以拎比你,除左佢。

佢為左我去左魔林摘果實比我,重比魔林之怪...打到遍體鱗傷....差啲返魂乏述..我見住佢為左我搞成咁,我個心真係好痛,好痛...
我發誓唔會比人傷害佢一條頭髮。除左佢,其他人既眼我都可以比你。」



果然....mia將所有我為lucy做既野,全部都改成係佢既功勞....

無論我幾落力,付岀過幾大代價,
係lucy心目中,
林美玉依然係零分。

唔係。

林美玉呢個人...從來冇存在過。