依篇係一篇又甜又純嘅愛情故,希望大家喜歡。



「打咩打咩……嗯嗯… 」

波多野老師不斷以嬌嗔的呻吟,及純熟的動作向我步步進逼。

幸好,徒兒我經驗豐富!



我一下轉手,由全手套弄,轉為三指套弄!

目的,係為咗減低對巨龍嘅刺激!以走更遠的路。


冇幾耐,波多野老師與男優進行後入式。

我即刻再使出一招,反手套弄!

目的,係為咗配合劇情,增加代入感!




每次打丁,我都會轉換不下廿次手勢。

因應影片劇情,同巨龍嘅反應,作出相應嘅手勢。

每一下,都經過快速嘅計算!

轉換手勢嘅純熟程度,就好似職業賽車手,操控“波棍”時一樣自如!




唔經唔覺,我同老師已經過招咗15分鐘。

我感覺到,龍汁正蓄勢待發,係時候喇!


「嗯… 要菇要菇……」

老師一邊享受住猛烈嘅撞擊,一邊唸出最後口訣!

好!!!既然老師無情,就休怪弟子無禮喇!

正手!全速套弄!!!

衝擊性的快感隨之襲來!戰況進入白熱化階段!!!不是你死就是我亡!!!!!!!






「我再沒勇氣向你講舊時,沒有勇氣相愛廖啟......」

屌!!!!!刀光劍影之時,邊撚個打黎呀??!!!

唔好理住先,就快到喇!我專心一意望返住老師。


老師:「嗯嗯…… 啊啊…… 」

Dear Jane:「無道理的對罵…」



老師:「啊啊……打咩打咩…… 」

Dear Jane:「是年紀不的小智…」

老師:「啊啊…… 要菇要菇…」

老師的浪叫與Dear Jane的歌聲重疊著,交織出一首混亂錯配的交響曲(屌!早知用連c雅個首啦)。


唔得喇!我要出喇!接招啦!波多野老師!!!

「啊… 啊…… 啊!! !」

億萬精兵戰倒於紙巾上。




我攤坐喺電腦凳上。

這刻,鈴聲停了,片都關了。世界一下子變得寧靜、澄澈。

唉,依種生活真係好頹廢!


介紹下我自己先,我叫黃啟邦,20歲,正值大學Year2暑假。

眨下眼,暑假已經放咗兩個禮拜,身邊好多人都返緊暑期工,但我就一直毒留家中。

其實我都好想返工,但奈何冇哂intern位,而且我性格偏毒,朋友唔多,唔知搵咩工做好…

唉,唔好聖人mode住,拿拿聲沖返個事後涼先!




我拎起紙巾,靜靜雞打開房門。

「我再沒勇氣向你……」又是Dear Jane的歌聲。

我嚇咗嚇,即刻縮返入房。

望一望電話,原來係衛國表哥。

我用紙巾抹一抹手,接起電話。


「喂,點呀?表哥。」

「屌你… 啱先做乜唔聽電話?打緊飛機呀?」

我用紙巾抹一抹額上的冷汗。

「邊有啫… 啱先打機咋嘛,搵我做咩事呀?」

「冇… 啱啱收工,咪打黎搵你吹水囉!點呀,搵到工未呀?」


聽姨媽講,表哥佢暑假一開始就去咗機場返工。

機場雖然位置遠啲,但人工高,做既野又唔辛苦,最重要係一定準時出糧,唔會走數。

所以,機場工可以稱為,暑期工中嘅佛跳牆!我都好羨慕佢咁快搵到份依荀工。


我:「我邊有你咁叻吖,仲未搵到工呀……」

「吓。仲未搵到工?咁你兩個禮拜做咩黎呀?」

「日日LOL囉。」

「吓?咁頹?唔悶咩?」

「悶呀。喂… 你個邊仲請唔請人呀?」

「吓?我依邊?你想過黎做咩?你… 知我返咩?」

「知呀。姨媽同我講咗啦,你返機場吖嘛。遠就遠啲,但我ok架!」

「係?!我阿媽竟然會同你地講。但係… 機場喎…… 你真係唔介意?」

「我唔介意呀,幾好吖,人工高吖嘛,仲有冇位啫?」

「um…… 其實我阿頭都話等人用,係咁叫我搵人黎幫手。」

「咁就fit哂啦!係咪即係ok?」我仿佛睇到了曙光!

「我同阿頭講聲啦。」

「好呀!多謝表哥!不枉我咁傾幕你呀。」

「屌你啦。咁我打畀阿頭先,陣間再wtsapp你。拜。」

「好!唔該哂!拜。」


收線後,我開心到彈咗幾下。

Yes!終於有工返,仲要係機場旬工!

我翻箱倒櫃,搵返套裇衫西褲出黎。


係熨衫嗰陣,總覺得有啲野未做… 但又諗唔起。


電話一震,係表哥嘅wtsapp。

表哥:「喂,搞掂!聽日穿得醒目啲,唔好成個油頭毒撚咁呀!」

「OK!幾點?邊度等?」

「4點鐘,旺角E出口等。」

「點解唔直接機場等嘅?」

「我驚你唔知架步呀,我帶你去啦。」

「好!雙手合十emoji。」


咁奇怪嘅?叫機場做架步嘅。

啊屌!我醒起喇!我仲未沖涼呀!

第二日,我好早起身,同阿媽食早餐。


依排阿媽成日嘈我,叫我去返工,唔好浪費光陰咁話。

我知佢係為我好,但佢實在太長氣,我又忍唔住駁佢嘴,所以依兩個禮拜關係都嘛嘛地。


「阿媽,我搵到工喇!」我一邊食多士,一邊講。

阿媽眼神發光:「係?做咩架?」

「表哥介紹,去機場做。」

「咁咪好囉!!!」

之後,佢成個晏就,都不停叮囑我,話唔好得罪人呀、小心啲做野、對上司客氣啲,等等等等…

見到佢咁開心、安慰嘅笑容,唔講仲以為我生性病。

我預早啲時間出門,早咗10分鐘到咗旺角。


儘管係平日,旺角街頭依然車水馬龍,人來人往。

我著住恤衫西褲,企喺旺角E出口。

仲未見到表哥,我怕被人以為我係賣樓師。

於是我企埋一邊低頭上fb。


不久,傳來一遍少女的吵鬧聲。

抬頭一望,映入眼簾的,是幾對雪白修長的美腿。我不自覺lam咗下脷。

再望上啲,係幾個著住校服嘅mk妹。

純白色的恤衫,棕啡色的短裙。

充滿青春氣息嘅佢地,一邊行,一邊傾計大笑。

成個畫面本身好好J,但係,美中不足嘅係……

佢地都叼住口煙。

我腦中即時浮現出〝瞓啦柒頭.jpg〞。


佢地當中,有一個髮陰染成紫色的mk妹,特別吸引我目光。

佢身材嬌小玲瓏。

有一雙靈動明亮的大眼睛,鼻子小小而高。

化咗少少妝,成個感覺好似日本妹。


我不嬲都唔鍾意女仔食煙,但個一刻,我抽離唔到自己的目光。

我就這樣,一直望住佢。


唔知係咪因為我望得太行,佢feel到我目光。

佢望咗過黎,與我對視一下。

我平時望女仔,被女仔望返之後,我都會淆底,即刻望第二度。

但係今次,我冇移開視線。

我還是直直地望住佢,而佢,就一邊同朋友談笑,都一邊望住我。


我倆維持住眼神嘅接通。


佢地正行緊黎我依邊方向。

換言之,我倆嘅距離,愈來愈近。


佢仲係望住緊我,仲面帶住微笑。


我… 係咪應該開口同佢講野呢???

但係我依啲毒撚,連嗌“司機有落”都驚……


佢已經快要走到我面前!!!

佢微微張開了嘴,似乎想對我說甚麼,但又欲言又止。


依一刻,我心諗!如果佢走咗,我地只會是彼此生命中,匆匆而過的過客,從此各不相干。

一諗到依樣野,我覺得好遺憾,我唔想係咁!

佢都係咁望住我,說明佢都對我有感覺啦。


依一刻,我決定鼓起人生中最大嘅勇氣!!!

我微微舉起右手,張開僵硬的嘴巴。

「Hello…… 你好呀…」

我feel到我緊張到,一秒間冒出一公升汗水。


紫陰妹佢停下腳步,面對著我。

一雙明亮的大眼睛,定神咁望住我,等待我著的下一句。


媽呀!好撚緊張!DSE嗰陣都冇咁緊張過呀!!!


我:「我… 我… 呢叫做……」

我好似輕度弱智咁,逐隻逐隻字震出黎。

而眼前嘅紫陰妹表現從容,好有耐性咁望住我依個傻仔。


「我叫… 做阿…邦呀,你呢?」

我緊張到,拳頭不自覺地緊握住!

終於講完,唔知佢會點呢?

只見她莞爾一笑,迷人的眼睛,微微彎起,彷如彎月。


然後,她沒有說話。

她緩緩提起手中的香煙,再吸了一口煙。

可愛的臉容,配上純熟的抽煙動作,好比一幅有著強烈對比的名畫。 

我望得著迷。

此刻,我猶如一個虔誠的信徒,正等待著,降臨人間的天使,她的回覆。


她豁然微笑,然後將口入面嘅煙……









一!鳩!野!噴落我塊面度!

!!!!轟呀!!!!!

始料未及的我,吸咗好多煙。啲煙好似86落山咁,直衝入我個肺。


我即刻咳到腰都彎埋。

而喺我咳嘅同時。


「哈哈哈哈…」係班mk妹此起彼落嘅恥笑聲。


我一邊咳,一邊抹淚水。

我分唔到,啲淚水係被煙嗆到漂出黎,定係柒到喊出黎…


好唔容易,咳到肺都甩埋,終於咳完。

我暗暗抬起頭,見到佢地已經行前去。


我失落地望住佢地。

唉,毒撚真係最忌有自信……


但我仍然不捨地望住紫陰妹嘅背影。

點解,點解佢要咁做……

未幾,紫陰妹佢行行下,竟然另轉面黎。


又一次對望,我的心跳竟然不爭氣的,急劇加速。

「我玩下架咋!唔好嬲我呀!拜拜!」她大聲地對我說。

然後,她向我揮手道別。

她旁邊的mk妹望一望我,再紛紛恥笑佢。

但她不理,仍笑著和我揮手。


我企喺到,唔知點反應,只係傻咗咁望住佢。

我諗,我可能會永遠記得佢。