今年暑假，我去咗“機場”打工: 一

我諗，我可能會永遠記得佢……


突然… 身後有股力量COOL住我條頸。

我畀啲掙扎。

「喂！點呀，昅緊mk妹呀？」

原來係衛國表哥。



「冇呀… 邊有呀。」

「仲話冇，昅到扯哂旗喇。」表哥向我下陰進攻，好彩我及時擋住。


再望返紫陰妹，佢已經另返轉面，繼續向前行。

唉，唔知以後，仲可唔可以見返佢呢…




表哥：「喂！走咗喇人地，望夠未呀？不如望下我依個表哥啦！咁耐冇見，有冇掛住我先？好表弟。」

「頂你，唔好再叫我表弟啦，我細你幾個月咋。」

表哥：「哈哈… 準備好未先？行架喇。」

「行喇？突然有少少淆底……」

「唔駛淆喎，我阿頭好好人架。」



我：「um… 咁喺邊度搭車呀？」

表哥笑了笑，道：「搭車？唔駛，過兩條街就到啦！」

「甚麼？(日語) 」

我：「你意思係… 機場個人事部喺旺角？」

「乜春野人事部呀？跟我黎啦。」

就係咁，表哥cool住我條頸，向砵x街方向行去。


「到喇。」



「吓？？？！！！」

我望住眼前，一幢外型光鮮，闊身，幾層高嘅建築物，門口到大大隻字寫住「東方棕櫚水療會所」。


表哥搭住我膊頭道：「入去喇。」

我停下腳步。

「表哥呀，乜機場唔係喺大嶼山嘅咩？」

聽完我嘅問題之後，表哥困惑地望住我。

「咩話？大嶼山？你… 講機場？」



「乜…… 你唔係返機場咩…？」

此時嘅氣氛好似結了冰一樣，我倆好似中咗時間停止器咁，呆咗喺度。

此時，一個戴眼鏡嘅中年西裝友，從面前的大門口行出黎，大大聲講電話。

「又去揼骨？唔喇，啱啱先HJ2Q，賓周都損喇。哈哈……」

我望望個男人，再望望表哥。

我正欲開口，點知表哥先發際人道。

「乜你咁on9架，咁都搞得錯嘅，我係返依隻機場呀，唔係嗰隻機場呀！」



我反駁：「屌！我點知姨媽講你返依隻機場啫。」

「哈哈…」表哥尷尬的笑，再道。

「原來我阿媽咁講呀？唔緊要啦！其實返依隻機場都幾好吖，工時唔長，人工高，做嘅野又唔辛苦……」

我皺著眉頭道：「但係自己打飛機就話啫，幫人打，好核突啫……」

表哥佢呆咗呆，表情好似樹熊咁。

然後撲哧一聲，笑咗出黎。

「你都on9嘅！打飛機，留返畀囡囡幫人打啦，入面嘅規模呢… 仲有得沖涼、按摩，同休息室咁，有女人去添架！」

「咁… 你要幫人做乜架？」



「平時就幫啲客開下Locker、帶位、茶水依啲，就肯定唔駛幫人打飛機。」

「吓… 但係依度…」

表哥抹抹笑淚，然後道：「我知，係依度返工呢，聽落係唔光彩架喇！你唔好同人講咪得囉。」

「吓……」

我開始考慮…… 

表哥：「點呀？試下先囉。」


當我仲猶豫緊嗰陣，一個熟悉，又陌生的身影出現。

我… 竟然見返紫陰mk妹！！！！！

唔知點解，紫陰妹戴咗個口罩。

雖然有口罩遮住，但佢額頭前嗰撮紫色陰，令佢好似漆黑中嘅螢火蟲咁鮮明。


佢見我唔到，一邊㩒手機，一邊走咗入去眼前嘅大門口。


咦？佢入去做咩呢？去揼骨？定幫人揼骨？

咁都見得返，跟唔跟入去好呢？我心入面天人交戰。


「點啫？入唔入？試下先啦。」表哥問道。

入？我想入呀！我想入佢… 唔係，我想入去，最起碼… 我想知佢叫咩名。

依個時候，一段壯士名言，響徹於我腦海。


「唉！濕撚哂！唉！唔撚驚！」

我咬緊牙根：「好！死就死啦！我入！」


這一下邁步，開展咗一段，我永世難忘嘅“機場”暑期工之旅。