今年暑假，我去咗“機場”打工: 四十

以後？。。。


係人都諗到，女仔咁問得，係想要個交代。

但係。。。咁樣即係要我同小嵐。。。

我依一刻唔敢亂答。





「um。。。以後。。。以後或者可以再咩嘅。。。」

老實講，我都唔知自己講乜鳩。



我覺得依一刻嘅我，好似啲高官，畀人問責緊嘅時候咁。

想求其鳩up下啲野，蒙混過關，拖到大事化無為止。。。





我唔好意思咁，望望Jessie。

Jessie佢，聽完我依個咁鳩嘅答案之後。

有點失落的望住地下。

但係佢，仲係拖緊我隻手，冇放低過。







我同Jessie，兩個走過一抹一抹昏黃的街燈。

我倆一直無話。



Jessie隻手，握上去比小嵐大啲。

而且比較有骨感。





我時不時側瞄下佢。

只見Jessie若有所思咁，有時都會望返下我。


又一次的眼神相遇。

Jessie眼定定咁望我。

我好似要講返啲野。。。





「um。。。Jessie，你想唔想食宵夜呀？」

「唔喇。。。我想早啲返屋企。」



Jessie佢又望返住地下。

「哦。咁好啦。。。」

氣氛又有啲尷尬。



「阿邦呀。。。」



「嗯？咩事？」

「um。。。都係冇野喇。」

「哦。」



行多兩步後。

Jessie企住，嬲嬲地咁望住我。

我有啲嚇親。





「做。。。做咩事呀？」

「哼！你知唔知，女仔話冇野，唔係真係冇野架！」

「吓。。。即係點？」

「你講！你係咪淨係鐘意同我做吖。。。」



Jessie講依句時，有個阿婆喺隔離經過。

個阿婆揚咗下手，講聲：「該煨囉。」


妖，阿婆你冇啦啦入鏡，做乜鳩。




「黃啟邦！我問緊你呀！」

「um。。。唔係呀。。。我唔係咁架。」

「咁你係點？」

「我。。。」

「你有冇諗過同我一齊？」

「我。。。」

「你會唔會為咗我。。。」

「嗯？。。。」




「同。。。小嵐分手？」


「黃啟邦！我真係好憎你！你而家，搞到我變咗做衰人喇！」


Jessie說完，一下轉身，背住我走去。

我呆咗呆，跟返上前，捉住佢手臂。

背住我嘅Jessie續道。



「我真係。。。我真係唔想傷害小嵐！但係我。。。我又好唔想，將你讓畀佢！」

「嗯。。。」

「阿邦呀。。。你揀我，定係小嵐呀？」



要黎嘅，始終都要黎。。。

係時候作出選擇。



我一直都覺得，小嵐係一個好sweet嘅女朋友，而且同我比較相襯。。。

但係，眼前嘅Jessie，佢一直以黎都好吸引我，而且我地啱啱先發生關係。。。



「。。。。。」




Jessie稍稍另過頭來。

佢已經哭紅了眼，淚水滑過白嫩的臉頰。

睇到我，心都緊埋。



「做咩仲捉住我喎。。。」

Jessie再另返前面，用衣袖擦淚。






好吧。。。




我深呼吸一口氣。

「我。。。我會同小嵐分手。」


Jessie再另過來，但佢眼神卻仍然沉寂。



「吓。。。真架？」

「嗯，係。」

「咁。。。」

Jessie佢，並冇為我嘅承諾而開心。

因為佢知道，咁樣會傷害到小嵐。


我地可以做嘅，係盡量令小嵐嘅傷害減到最低。。。



「Jessie。。你畀啲時間我，我想搵一個好嘅時機再講。」

「嗯。。。好啦。。。」



我倆沉默的相對望。

我為Jessie擦去淚水。



然後，我拖住Jessie隻手，繼續並肩行。


「我到喇。」

Jessie與我企喺樓下。



「哦。。。咁拜拜喇。」

「um。。。阿邦呀，你仲上唔上黎呀？。。。」



Jessie雙手放後，期待著。。。

「我。。。」



「我再沒勇氣向你。。。」

電話不識趣的響起。



我拎起電話，係小嵐打黎。



「等等，我聽個電話先。」

「哦。。。」



我接起電話。

「喂。。。」

「喂，阿邦呀。。。」

「係。。。」

「冇呀。。。我同紫繞食完野喇，行緊返屋企，想打畀你傾下計。。。」

「哦。。。係？」



我望望Jessie。

Jessie應該估到，係小嵐打畀我。



佢向我默默的揮手，用唇語說"拜拜"。



我按住通話口，亦用唇語說再見。

Jessie就轉身走去。




喺佢轉身一剎，我見到佢失望的表情。。。


目送Jessie走後，我都轉身走。



「喂。阿邦。。。阿邦。。。？」

「係。。咩事？」

「做咩唔講野嘅？」

「哦。。。冇呀。。。」

「咦？你仲喺街？」

「啊。。。係呀。冇啦啦想食下宵夜，所以咪落咗街。。。。。哎呀。」



突然有股力量，從我背後撲來。



我另轉頭，原來係Jessie從後攬住咗我。

Jessie把臉，緊貼住我背脊，令我睇唔到佢個樣。




小嵐在電話問道。

「喂？！阿邦，咩事呀？」

「吓。。。冇呀，踢到啲野啫。」



Jessie企返我面前，瞇住眼，哄得我好近，又側耳聽我手機。



小嵐：「條街冇乜人呀。。。我好驚。。。」

「唔駛驚。。。我咪陪緊你囉。」

「嘻嘻。。。係呀。」

「哈哈。。。」

「係呢。。。你落街買咩食呀？」

「我買。。。鳴鳴。。。」




嘴唇一熱。

Jessie佢突然親了過來。

然後用柔軟的舌頭，堵上我嘴巴。




「喂。。。喂。。？咩事呀？」

「嗚嗚。。。」




我向後挨，躲開Jessie的強吻，再應返小嵐。

「啊。。。冇。。。。我。。。食緊燒賣。。。點知太熱，辣到下啫。。。」

「傻嘅咩你，有冇事呀？」

「冇事冇事。。。」




我按住通話口，用唇語對Jessie"喂呀"咗一下。

Jessie佢向我吐一吐舌。

我沒好氣咁望佢。



弄完一輪。

Jessie又向我揮揮手，用唇語講：「我真係走喇，拜拜。」

我亦向佢揮揮手。



今次我望實佢走，驚佢又一野撲過黎。


我望住Jessie嘅背影。

但佢走了不遠，就回過頭來，再用唇語向我講咗一句野。。。



但係我，睇唔清楚佢講乜。。。



之後，佢再轉身走去，漸漸走進大廈門。





送完Jessie返屋企之後，小嵐同我傾住電話。

好彩唔駛傾好耐，小嵐就行到屋企。

而我就趁空檔，搭車返歸。




今日可謂來回過地獄，又折返過天堂。

所以我拿拿聲沖完涼，之後一野攤落床。




我思前想後，我真係要同小嵐分手？唔知小嵐會點。。。

跟住我同Jessie一齊之後，又會係點呢。。。

唉。。。




我喺床上面，諗咗唔知幾耐。

才慢慢進入到夢鄉。。。


「叩叩叩。。。」



響亮嘅敲門聲，把我從睡夢中吵醒。

老媽從門外道來。



「阿仔呀，好晏喇，起身啦，你老豆今日放假想飲茶，你去唔去呀？」

「吓。。。唔喇，未瞓醒。。。」

我係床上面滾了半圈。

「唉，咁算喇，我同你老豆出去食喇。」

「哦。。。」

「唔好瞓到咁晏喇！」

「知～道～」

「嗯。」



畀老媽嘈一嘈，想即刻瞓返唔係咁易，我碌咗一陣都瞓唔返。

我拎起手機，諗住撳一陣再瞓。



一打開手機，我發現Jessie佢。

喺我瞓咗之後，Send咗篇長文wtsapp。。。



「阿邦。。。你或者，都係唔好同小嵐講分手啦。我唔想傷害小嵐，我亦唔想畀人覺得我搶人男朋友。而且，我只要一諗到，以後我地幾個之間尷尬嘅氣氛。我就覺得好唔舒服。。。阿邦。。。你都係繼續同小嵐一齊啦。」



唉。。。

睇完之後，我揸住部手機好耐，唔知打咩好。。。




點知，突然間，電話響起。

係小嵐打畀我。



我當堂嚇一跳，唔知點解有種，被人捉姦在床嘅感覺。


我輕撫心口，接起電話。



「喂。。喂。。。」

「喂，阿邦呀。」

小嵐把聲，似係啱啱瞓醒。



「係。。咁早打畀我嘅？」



小嵐打咗個呵欠。

「冇呀。。。啱啱起身，見到你on wtsapp咪打畀你。」

小嵐的聲音，嬌滴滴的。




我諗返起，上次喺佢屋企。

佢啱啱瞓醒，睡眼濛濛的樣子。



諗諗下，我不自覺咁笑咗出黎，畀小嵐聽到。。。



「咦？你笑咩呀？」

「冇。。。我。。諗起你上次瞓醒之後，濛豬眼個樣。」


咦，我突然諗到，我就快要同小嵐分手，講野唔好咁sweet為妙。



小嵐嬲嬲地咁講。

「我邊有濛到喎。。。哼！你就濛呀！」




猶記得，我同小嵐第一次見面。

佢一手捉住我碌鳩，楚楚可憐的樣子，我諗我永世都唔會忘記。。。

而家，我終於同佢一齊咗。。。


但係我又應承咗Jessie。。。

我個心，泛起婉惜同內疚。。。




我同小嵐傾咗陣電話，傾到都唔想返瞓。

「阿邦呀，不如我地出黎食野啦。」



睇下今日。。。有冇時機講。



我：「um。。。好呀，食完行陣街先返工。」

「吓。。。但係我想睇戲。」

「哦，你鍾意啦。」

「好耶！咁我睇下有咩戲睇先。」



小嵐佢，成個細佬女咁，同Jessie真係好唔同。。。


作為一個男人，我既然應承咗Jessie，同小嵐講分手，我就要做到！


我對住衣櫃，皺皺眉頭。

好啦！既然都要分手喇，無謂著咁靚啦！

於是我求其咁，著咗白Tee黑短褲出門。。。



好！分手咋嘛！駛乜驚呀？！我得架！！！



我同小嵐約咗去朗豪坊。

我企喺人來人往嘅大門口等佢。



期間，我不斷喺度諗。

幾時講分手，同點樣講好呢。。。



陣間。。。食野嗰陣講？？

我開始幻想。。。




「小嵐呀。。。我有野想同你講。。。」

「嗯？」

食緊意粉嘅小嵐，抬起頭望向我。



「小嵐。。。不如我地。。。分手啦。」



聽到這消息後，小嵐怔住了的望住我。

我霎時唔知講咩好。。。



小嵐似乎受刺激得，目光都呆滯了。

「點。。。點解嘅。。。」

「我。。。覺得。。。我地好似性格唔夾。。。」



小嵐著了急的挨前。

「有咩唔夾呀？我改吖。。。」

「um。。。你冇野要改。。。係我衰。。。」

「你唔鍾意我咩呀？你講畀我知吖。。。」



小嵐愈來愈激動。

佢急忙的，走到我身邊。。。


「我會改架。。。我改吖。。。」

「um。。小嵐你冷靜啲先。。。」

「阿邦。。。你唔好同我分手啦。。。」



我望向，小嵐抖動著的手，仲揸住支叉。。。

「阿邦。。。」

「小嵐你放低支叉先啦。。。」

「點解要同我分手吖？！阿邦呀！！！」

「小嵐你。。。」

「阿邦！！！」






「阿邦。。。」



小嵐從後拍拍我膊頭。

我嚇到彈咗一下。

「啊！！！」



我咁一彈，搞到小嵐都畀我嚇親。



「呼呼。。。阿邦。。。你做咩事？？？」

「咳咳。。。冇。。。冇野。。。」

依一刻，我真係柒到想搵窿捐。



「你諗緊咩呀？諗得咁入神嘅？」

「哈哈。。。冇諗野冇諗野。。。」

「係咩？？um。。。你等咗我好耐喇？」

「唔係。。。唔係好耐啫。」

「嘻嘻，我今日遲咗少少出門。阿邦呀，你睇唔睇得出，我今日有咩唔同咗呀？」


今日有咩唔同咗？

依條問題，對於好多男仔黎講。。。

比如何解決北韓核問題，更加難答。



但好彩今次，個答案好明顯。

「你。。。紥咗個頭？」

「哈哈，係呀，新整架，靚唔靚呀？」



小嵐今日紥咗個包包頭。

由於小嵐佢身形細細，頭頂上的包包頭，令佢可愛呆萌嘅感覺出晒黎。

配上圓碌碌嘅大眼，實在好想錫佢一啖。。。



「依個頭，好襯你呀。。。」

「嘻嘻。。。咁就好喇，整咗好耐架。。。但係個陰呢，好似整極都唔得嘅。。。」



小嵐著緊的，用手向下撥梳著髮陰。



「um。。。唔會呀，而家好好睇。」

其實，我幾鍾意女仔留空氣瀏海。



小嵐聽完，展露出一個滿意的笑容。

「嘻嘻，咁就好啦。」




我望住佢，再次因佢嘅可愛動人，而著了迷。。。


「嘻嘻，行啦傻佬！」

「哦。。。」



小嵐向我伸出右手，我望一望，然後都伸出手，握住佢。

我地就可似生意人咁握手。



「哈哈。。。阿邦你做咩呀？」

「吓？」

「哈哈。。。傾生意咩。」

「哈哈。。。冇。。。」

「阿邦，乜你今日咁傻架？」

「傻咩？」

「傻呀！成個傻佬咁！」



語畢，小嵐微笑住， 撓起我伸出的手，再拖住。

小嵐隻手，很溫暖。



然後，小嵐小鳥倚人咁挨住我行。



我望望佢，佢今日著咗件淺灰色外襯衣，入面係件白色底衫，下身著咗條牛仔裙。

小嵐明顯係有穿搭過。



我再望下自己，著到成碌鳩咁。。。


去到電梯位，我讓小嵐在前，我在後。

上電梯後，小嵐另過黎對住我。



點知，隔離條電梯，有對情侶，喺度攬住咁錫嘴。

十分纏綿。。。



我同小嵐望到後，互相對望了一下。



然後小嵐，即刻難為情咁，望住旁邊嘅窗。

我望住佢，唔自在嘅側面。。。



哈。。。估唔到，我真係同小嵐一齊咗。



但係。。。

我快要同佢講分手。。。


我同小嵐，行到去食野嗰層。

小嵐滿足咁，望住咁多間食店。



「阿邦，你想食咩呀？」

「我呀。。。我冇所謂呀，你揀啦。。。」

「咁呀，咁不如食隔籬嗰間西餐吖，聽講啲意粉幾好食。」



意粉？！！

叉？！！！



「um。。。唔好啦，食西餐用埋晒啲刀刀叉叉，好鬼野蠻。」

「野蠻？！um。。。咁唔食西餐啦。不如食拉麵？或者台灣野？」



um。。。

筷子都可以成為好可怕嘅武器。。。

有咩野食，係唔會用到餐具呢？！




「啊！不如食m記吖！我想食呀。」



嘻嘻，m記咩餐具都冇，最危險都只係熱辣辣嘅薯條。

我太醒了！～


小嵐：「哦。。。好呀！」



由於m記喺下一層，所以我地又要行去搭電梯落去。

我一直都靜靜咁望小嵐。。。



如果真係開咗口，今次就係最後一次同小嵐出街。

握住小嵐嘅手，不自覺的抓緊。

小嵐望望我。



「嘻嘻，阿邦呀，放手啦。」

「吓？？咁快放手？我仲未。。。」


「傻佬！要放手喇。唔放手陣間一齊碌落去架。」

原來，我倆就快行到電梯位。


「哦。。係咁。。。哈哈。。。」

「傻傻地。」



小嵐佢望住我，手半掩住嘴笑，雙眸都瞇上了。

佢笑容迷人到，一下子抽空了我胸口似的。



天下間，應該只有低能仔，先會打算同，眼前依個咁可愛嘅女仔分手。



但係，我又諗起尋晚，Jessie眼淚盈眶個樣。。。

啊。。。唉。。。。


去到電梯口，我又讓小嵐在前。

由於依條電梯向下落，所以前面嘅小嵐會低過我。



企上電梯後。

小嵐另過黎望一望我，然後佢走咗上來，企到我後面。

我黑人問號。。。



我另轉面，睇下佢搞乜。



我另轉後，只見小嵐佢眼望周圍，裝作自然。

然後，佢微微咁張開雙手。。。


原來小嵐個傻妹，突登走上黎。

係想我咁樣攬住佢。。。