今年暑假，我去咗“機場”打工: 四十一

小嵐佢，微張住手，等著我的回應。

我。。。

真係好想一下攬住佢。


但係。。。




久未得到回應的小嵐，望向我。

而我有口難言咁望住佢。



條電梯，好快就到了。

我另返前面。





小嵐走到我旁邊，嬲嬲地咁望我。



「阿邦。。。你係豬呀！」

「吓。。。？」我裝作不知。



「哼！冇野！」



小嵐徑自走前，我都急跟腳步。





黎到m記門口。

見到入面一大片人潮。

想擠入去都難，唔好話搵位坐。。。





我：「咁多人嘅。都係食其他野啦。」

小嵐：「唔好啦，你想食嘛，等一等就有得坐架喇。」



上一秒，小嵐仲嬲爆爆咁樣，依一刻卻咁在意我想食嘅野。。。


我同小嵐都入咗去後。

企咗喺個眼鏡阿伯張枱隔籬等。





個阿伯佢得一個人，但就將啲野擺喺對面位，再將報紙張到好大咁睇。



我望望個阿伯，佢又望一望我，跟住繼續睇返報紙。

照咁睇黎，佢應該會坐到佛誕。



「小嵐呀，都係唔好食喇。」



「吓，但係你想食。。。」

「但係好似要等好耐。」

「咁。。。不如買外賣吖。你想食咩？」

「好啦，我想食板燒雞腿包，最近出返。。。」



依個時候，個阿伯稍稍放下報紙。

佢望下小嵐，又望下我。





跟住，佢企起身。


個阿伯企起身，開始執野。


小嵐個傻妹，望住我好開心咁笑。

「耶耶，有位坐喇。」

「哈哈。。。」

「阿邦呀，你等住先，我去買野食，條隊好長。」

「吓，唔好啦，你坐吖。」

「唔啦，你坐先吖，我去買，板燒雞腿包餐嘛。。。」

「嗯。。。」



小嵐向我微笑一下，然後閃避著人群，去買野食嘅隊。



阿伯拎起佢啲野，道。

「啊。。。靚仔，你好彩呀，有個咁好嘅女朋友，好好地對人呀。」



我再望望出面嘅小嵐。

「我。。。但係我，就快要同佢講分手。。。」



阿伯一下錯愕。

「吓？你講咩話？」



然後，佢將原本拎起嘅野，放返喺椅度。



我即刻再道。

「哈哈。。。講笑啫，佢咁好，我點會飛佢。。。」

「唔。。。咁就啱聽喇。。。」



佢又開始執野，我才舒過一口氣。



「而家啲後生仔，小小事就分手。到老咗之後，就會後悔當初咁衝動架喇！」

「哈哈。。。係咩。。。」

「梗係啦，唔講喇。我趕住去買餸，今晚同老婆煮飯仔。。。」

「係？好甜蜜喎。。。」

「哈，梗係！！！拜拜。。。 拜拜。 」

「拜拜。。。」



阿伯向我揚揚手，然後走去。

小嵐望過黎，阿伯都向小嵐都揮一揮手。

小嵐微笑住，都向佢揮手道別。


由於好多人，所以我同小嵐食完，都拿拿聲走，費時霸住啲位。



一出M記，小嵐再撓住我手。

我近距離咁望住小嵐，佢都望向我。



儘管到咗而家，同小嵐對望時，我仍然會心跳亂蹦。



「阿邦呀。。。你做乜傻咗咁望住我？」

「吓。。。冇呀，我驚以後，冇得再望。所以。。。而家想望多幾眼。」

「你做咩呀今日？成日都傻傻下咁。」

「冇野。。。冇事。。。」



小嵐沒好氣的看我。

「你陣間睇戲，係咪都會望住我架？」

「um。。。可能都會架。」

「你癡癡地咩。。。」

「嘻嘻。。。」


仲差少少時間先夠鐘入場。

所以我地喺戲院附近行下。。。



我地入咗去一間專賣啲搞鬼野嘅鋪頭。

平時我唔係好鐘意影相，但今日可能係最後一次，同小嵐一齊行街。。。

所以我就想留低多啲回憶。



我地戴起咗啲搞笑頭飾。



小嵐揀咗一對兔耳仔，而我就揀咗個頭有把刀嘅。



我地一邊自拍，一邊笑到傻咗咁。。。

之後我地又換咗幾個頭飾，又影過。

玩到唔捨得走。


得意忘形嘅我地，玩到差啲忘記要入場。

我地急急腳走去戲院。



途中，我問小嵐。

「小嵐，你可唔可以send啲相畀我？」

「可以呀，我返屋企用wifi再send畀你吖。」

「唔好啦，而家send吖。。。我驚。。。唔係！我想。。。快啲睇。」

「噢。。。好呀。。。」



小嵐即刻撳手機。




我係驚。。。會收唔返啲咁珍貴嘅相。。。


入到戲院，啲人都開始入場。

我拖住小嵐隻手，想行入去時。



「阿邦，不如買爆谷食吖。。。」

「吓，但啱啱先食完野咋喎。」



小嵐個傻妹扁住嘴，望一望爆谷機，又望一望我。

見到佢咁樣，我都只好就範。



「好啦好啦。。。買啦，但係買細個好喇，我唔想食。」

小嵐笑住點頭：「嗯。」

佢雀躍的拖住我行過去。



睇到佢雙眼發光個樣，真係好搞笑。。。



爆谷到後，小嵐佢滿足咁捧住，一邊食，一邊行入場。


入場之後，我一坐低。

即時感覺到股寒氣。

望向小嵐，佢已經凍到搓緊手。



「小嵐呀。你有冇帶外套呀？」

「吓。。。冇呀。。。」

「我有帶，我畀你著吖。」

「啊。。。好。。。」



我從背囊拎出件外套，遞向小嵐。



小嵐接過後，將一邊披上身，然後湊過來撓住我手，將另一邊披上我身。

一股甜蜜的幸福感覺，隨即湧至。



我用左手，側攬住小嵐。

讓二人靠得更近。


我感受到小嵐的體溫，即刻覺得溫暖起來。


套戲開始之後，我唔係好集中到。

可能尋晚唔夠瞓，依度又咁適合瞓覺。

我開始釣魚。。。



忽然，一下觸感，刺激到我醒晒。。。



原來小嵐佢，篤咗我條腰一下。




我即刻望望小嵐。

佢淘氣的，向我吐一吐舌。



我作出還擊，向小嵐條腰篤去。

但佢只係笑咗下，冇乜大反應。

睇黎佢，一啲都唔怕吱。



但我豈可就咁作罷。



由於，我地兩個蓋住了外套，我有個主意。。。


我將右手，再偷偷伸向小嵐的腰，又吱佢。

但小嵐佢仲係唔驚，得戚咁笑笑口。



然後，我將手，慢慢向上移。。。



小嵐的眼神，開始察覺不妥。



嘻嘻。。。。。

我用右手，靜靜咁搓揉小嵐的乳房。

小嵐的雙乳挺身，很適合手形。



小嵐用唇語，＂喂呀＂咗我一下。

今次到我得戚咁笑。



側攬住小嵐左手，都潛入外套之中，向下推進。

就係咁，我側攬住小嵐，同時用雙手搓揉住佢的雙乳。



小嵐一開頭，有扭令幾下，但慢慢都由得我。

只係羞澀的，不望向我，裝作自然咁看戲。



嘻嘻。。。傻妹認輸了咩。



搓咗幾下，我費時再整佢。



我用雙手，將小嵐攬入懷中。

小嵐都側挨過來。




我倆繼續睇電影。



諗起以前單身狗生涯。。。

每次睇完戲，都係睇住啲情侶，興高采烈咁討論劇情。

今日終於可以咁樣做，我滿心歡喜。



我同小嵐拖住手，行出戲院。



「阿邦，啱先套戲好唔好睇呀？」

「um。。。ok啦，有少少悶。。。」

「係咩？唔係吖。。。都幾緊湊呀。」

「唔。。。劇情唔係大問題，最大問題係。。。曾志偉！」

「吓？咩曾志偉呀？依套西片黎架喎，都冇佢份做。」

「唔。。。係曾志偉名句：這麼醜的妞。。。成套戲，都冇個女仔靚嘅。」

「車！你好膚淺呀！」



小嵐用雙拳拍打我，我按住喊痛。




點知，我地行多幾步，見到Jessie喺隔離鋪頭睇緊衫。

小嵐雀躍咁拉住我過去。。。




Jessie見到我地，顯得有點意外。

「Hi，咁啱嘅。」

「Hello！！！」

小嵐見到Jessie，表現得好開心。



而我就尷尬咁望住Jessie笑笑。


Jessie對小嵐問。

「搞咩黎呀你地？」

「冇呀。。。啱啱睇完戲。」

「係呀？」

「嗯！Jessie你又會喺度嘅？」

「我。。。返工前想行下先咋嘛。」



小嵐個傻妹，走過去撓住Jessie。

「咁我地一齊行吖。」

「哦。。。好呀，但係阿邦介唔介意架？」



Jessie望望我。

我即刻答。

「唔介意。。。唔介意。一齊行啦。」

「嗯。。。」





之後，小嵐一直撓住Jessie行前，我殿後。

佢地一路行上去朗豪坊上層，睇啲衣物飾品。



睇住佢地又講又笑咁。

我心入面萬般滋味。



一邊係高佻知性嘅Jessie。

而另一邊，係惹人憐愛嘅小嵐。



我要點揀好。。。

唉，如果一夫可以有兩妻，咁就唔駛煩啦。。。


「阿邦！你諗緊咩呀？？」

小嵐突然將我抽出迷思。



「吓。。。冇諗野呀，發下吽呌啫。」

小嵐撓返住我手，道。



「你冇野吖嘛。。。」

「哈哈。。。冇野。」



小嵐將頭挨向我，對Jessie道。

「嘻嘻。。。Jessie呀，我想去廁所，你幫我睇住阿邦先吖。」


Jessie笑住講。

「嗯！得，放心！」



小嵐望向我。

「等我一陣呀。」

「嗯。。。」



然後，小嵐入咗廁所。

我同Jessie企喺玻璃圍欄前。




「。。。。。」


「阿邦。」

「嗯？」



Jessie望住圍欄下的人群。

「你。。。有冇睇到我send畀你嘅whats app？」

「有。。。」

「你都係唔好同小嵐分手啦。」



無可否認，我確實唔夠勇氣，亦唔捨得。。。

同小嵐講分手。



「Jessie。。。」



Jessie微笑著，側臉來望我。

「你唔駛諗咁多啦！我都知，依排你煩惱緊，要揀我定係小嵐。」

「。。。。」

「哈！你仲咁細個，我先唔會真係鍾意你呀！」

「吓。。。」



Jessie又望返住人群。

「我鍾意啲有男人味嘅男人架！你都唔係！」

「係咩。。。」



我都望住人群。



我心裡知道，Jessie講嘅說話。

無非，係想減輕我對佢嘅感情。

佢想我專心一意揀小嵐。



我個心，感受到一股被壓住的感傷。


Jessie：「我都就快要走啦，我地不如開心啲咁過埋餘下嘅日子。。。哈哈。講到好似咩咁，大吉利是。」

Jessie蓋住嘴巴。



「Jessie呀，你。。。幾時走？」

「２個月後。。。」

「哦。。。係呀？」



我都唔知再講咩好。

此時，小嵐從廁所出黎，開朗的笑住。



「搞掂！繼續行街！」



Jessie摸住小嵐個頭，道。

「仲行？夠鐘返工喇！傻妹！」

「係？！幾點喇？」



我拎出手機睇睇，發覺冇晒電。。。

小嵐亦拿出手機望望。



「係喎，差唔多夠鐘喇。」

「嗯。」

「咁行喇。」



小嵐又走到Jessie身邊，但Jessie擋住佢，道。



「傻妹！你撓返你男朋友啦！男人要撓實佢先得架！如果唔係好易飛走架！」



小嵐望住我，天真爛漫的說。

「嘻嘻。。。我知阿邦唔會飛走嘅。」

小嵐撓住我手。





我：「嗯。。。我又點識飛啫。」


我地３個人，離開朗豪坊，行返去機場。



沿路小嵐一直撓住我，而Jessie就喺我隔籬。



一入到機場門口。

我地發覺個撚樣亮，竟然唔喺度。

變咗發仔企喺度。



我地即刻好奇咁行過去，我問。

「咦？點解發仔你企前台嘅？阿亮今日冇返工咩？」



只見發仔都面懵懵咁，道。

「我都唔係好知呀，我都係１２點幾嗰陣，收到John哥whatsapp，叫我今日企前台。」

「哦。。。咁可能阿亮病咗啫。」

「唔知喇。」



正當我地諗住行上樓梯開工之際。

表哥同紫繞，急急忙忙的衝跑落黎。



表哥：「喂喂喂！！！有大消息！」



我地幾個都有點嚇親，究竟發生咩事？

表哥佢落到地下，向住我地講。



「我啱啱。。。見到John哥。。。佢話。。。」

紫繞等得唔耐煩，一下推開表哥。



「屌！你抖返順條氣先啦，死虧佬！John哥話呀，炒咗風姐喇！！！」







咩話？風姐？畀人炒咗？！！


發仔：「你講真架？即刻唔駛返工嗰隻？」

紫繞點點頭：「嗯。」

我與她一對望。



發仔續道。

「咁。。。阿亮又冇返工嘅？」



表哥終於抖順咗條氣。



「哈哈。。。John哥話，風姐畀人炒咗之後，即刻過咗檔，仲帶埋條撚樣亮走。」

眾人：「哦。。。」

發仔：「咁佢地去咗邊度做呀？」

表哥：「John哥冇講到，佢話費時講咁多。」



依個消息有點突然，眾人好似都有點唔知點好咁。


「啪！」

紫繞一下拍掌。

「喂，做乜啫？個風姐咁衰，走咗咪好囉。」



表哥再道。

「咪係。。。條臭閪呀！成日寸住晒！走咗就一天都光晒啦！」



眾人都點點頭。



唔駛審都知，風姐走得咁急，係因落藥件事。

件事紫繞講咗畀John哥知，仲要證據確鑿，無從抵賴。

而可能，依度嘅最高層知道之後，唔想搞大件事，所以先會叫風姐即刻走。。。



諗諗下，我又諗返起，尋日同風姐。。。



表哥突然側攬住我肩。

「嘻嘻。。。話你地知吖，阿邦尋日屌過風姐！」

「吓。。。」



我即刻作賊心虛mode。。。

「冇呀。。。我冇呀。。。」

「咩呀？你又話尋日屌到佢好甘嘅？」

「吓。。。哦。。。哈哈，係咁意啫。」



紫繞撓埋雙手，得戚的道。

「關閪事咩！車！」



發仔望望紫繞。

「咦？咁關咩事呀？你係咪知啲野先？」

「唔係喎。。。我淨係知阿邦唔會夠薑屌風姐啫！」




唉。。。唔通我。。。識如來神掌，又話你知咩。。。


嘻笑鬧完，係時候開工喇！

發仔佢，繼續留守前台，而我同表哥今日就返K。


臨入更衣室之前，我同小嵐揮手道別。

我側望到，Jessie佢望一望我。



入咗更衣室之後，我同表哥走到儲物櫃前。

表哥一邊除衫，一邊講。



「阿邦呀，依排你同小嵐。。。OK呀呵？」

「OK呀。。。做乜咁問嘅？」

「冇。。。你會唔會同舅母佢地講。。。小嵐佢返依行。。。」



其實，就算我最後揀小嵐，定Jessie都好。。。

我都唔諗住畀阿爸阿媽知，我地係喺“機場”認識。



「吓。。。我覺得。。。依層好似唔講好啲。」

「梗係啦！咁就醒目喇！」



表哥拍一拍我肩，佢條巨龍隨之晃動一下。


表哥：「嗱！記住，千忻唔好咁老實，唔好講你喺依度識到小嵐呀。」


「哦，我知喇，不如你著返條褲先啦。」

「哎，未講完呀。你就話。。。小嵐係你啲朋友介紹，或者係出街識嘅！um。。。都係唔好！講你出街識，舅母佢地一定唔信。」

「你係咪寸我，出街冇可能識到女呀？！」


表哥摸住下巴，望住我。


「以閣下嘅尊容。。。係比較唔太可能。。。」

「頂你。。。」

「嘻嘻。。。」



我作狀彈佢賓周，表哥立即遮住下身。

打鬧著時，我晃然大悟。



「係喎，我記得。。。我同阿爸阿媽講過，我同小嵐係機場做野嘅同事！」

「係咩？！好彩你講下咋，咁我地兩個要夾口供喇！」

「哈哈。。。係喎。」



於是，我同表哥夾定口供。。。



如果到時阿爸阿媽問到。

我同表哥都會講，我倆喺機場做倉務，而小嵐就係做地勤。



um。。。話做倉，應該冇咁易穿煲。

但係要同小嵐講，佢係做地勤嘅。

最好諗埋，點答關於做地勤嘅問題。。。


換好衫、夾好口供之後。

我同表哥行上樓梯。。。



唔知點解，次次上樓梯。

我都會覺得，有機會撞到風姐。

繼而畀佢寸，同畀佢瘋狂閪面。



但係，佢而家已經走咗。

我估以後，應該都冇乜機會再見到佢了。





行到3樓，我同表哥接更。

我一直望向休息室方向，睇小嵐幾時出黎。




冇幾耐之後，小嵐穿著一身水手服，從走廊轉角走來。


講真，小嵐的水手服。

我真係百看不厭。。。



白恤衫、藍色百摺裙，都將小嵐的清純，完全發揮出黎。。。

我很想，霸佔住她的美，不讓任何人所注目到。

我心裡，那想要拯救小嵐出火坑的衝動，再次油然而生。



小嵐雀躍的走來。

「喂！做咩傻咗咁？」

「哈哈。。。冇呀。。。因為你靚囉。」

「哼！」



小嵐的淺笑，稍點露齒。

佢輕捏拳頭，敲了我的頭一下。

我笑住咁，哎呀一聲。



「嘻嘻。。。唔好玩住先。我啱先同表哥傾咗啲野。」

表哥在旁點點頭。



小嵐一雙圓滾滾的眼睛，稍仰望住我。

「吓？傾咗啲咩呀？」

「我地講好咗，我地都係喺機場做野時識嘅！」



小嵐淺笑。

「係呀，依度咪係機場囉。」

「哎呀，唔係呀，我係話，如果到時再見到阿爸阿媽，就同佢地講，我地係喺大嶼山個機場做野時識。」

「哈哈。。。知道喇傻佬，唔通同佢地講，我地喺依個“機場”識嘅咩。」

「你聽埋我講先啦。。。我同表哥，會話我地係做倉嘅。而你呢，就係做地勤。」

「吓？咁呀。。。冇問題！我有個朋友，佢真係做地勤，我可以問下佢關於地勤嘅野！」

「咁就好喇！咁就一定唔會穿煲啦！」



「得喇！長氣！」表哥道。



「放心啦！」

小嵐笑笑，向我作出一個ok手勢。


「咁你諗住。。。呃佢地呃到幾時呀？」



聽到依句，我立即應道。

「冇架，呃得幾耐得幾耐啦。。。」



咦？！咪住先！身後把聲，咁熟口面嘅。。。。。



表哥望去，表情漸漸的瞠目結舌。

小嵐亦然，有點不知所措。

我霎時感受到，一股躁動的不安。







「衰仔！！！點解你會係度架？！」






把聲聽真啲。。。。。




老豆？！！！！