因為一次食雞，我被捲到一段三角關係之中...: 序章

［序章］

「夷係啦，你有無食雞㗎？！」
「有啊做咩啊？」
「一齊玩啦一齊玩啦！」睇住佢咁熱情既樣，我都唔好意思拒絕佢...

講翻自己d背景野先，我叫陳俊賢，d人通常叫我啊賢，讀緊form4。我個樣比一般好少少啦，O1啱啱脫毒，條女係女神級！我覺得遇到佢真係3世修來既福分～

入翻正題，啱啱同我講野果個係我條女個同學，佢叫chloe。講明先我無諗住一腳踏兩船㗎，我係專一乖乖仔黎！



chloe：「入game啦入game啦入game啦！因為好重要所以要講3次！」

我：「知啦知啦。」

唉真係頂佢唔順

打左2鋪之後，佢話add個friend入嚟一齊打，又叫我搵多2個一齊開5人小隊打喎。唉女人真係麻煩...

咁我就梗係叫兩個老友入黎食啦！一個叫啊輝，一個叫啊諾。



佢地玩食雞都幾勁，陣間carry完2條女佢地實食無癡牙！霖死女！

咁我無理由咁自私淨係自己有女就唔理兄弟㗎嘛，咪益下佢地....

點知就係因為咁，我就被捲入左一段三角關係入面......