因為一次食雞，我被捲到一段三角關係之中...: 曲奇

Ch.1
「哇哇哇 又係新女 啲女比你溝曬啦！」

啱啱打完波 坐我隔離嘅係啊諾 而佢就一路望住部電話含春笑

啊諾：「收皮啦 撚有咁多女比我溝啊」

佢應完 又繼續望住部電話笑

我：「屌 陣間一唔一齊食嘢？」



我：「喂」

我：「喂！」

佢完全沉醉左係女女嘅世界入面

我：「喂 劉子諾！」

啊諾：「咩啊」



我：「問你陣間一唔一齊食lunch」

啊諾：「下 唔啦 老母叫我早啲返」

識左啊諾雖然唔可以話好耐，但係我好肯定佢陣間一定唔係直接返屋企。

無無聊聊陣間又冇野做，於是我就決定跟住佢，睇下佢去邊。

係就真係幾on9，但係想知佢陣間會去邊，呢個就係唯一嘅方法，因為佢一定唔會照實答。



我就一直係後面跟住佢，搭地鐵由荃灣到銅鑼灣......佢一直都冇意識到我係佢後面，只係掛住同女女吹水！唉...依家啲人呢！

呢個時候，有兩個女仔對住啊諾揮手

「Hello你嚟啦！呢盒曲奇係俾你㗎！希望你會覺得好食啦.....」

我唔係企得好近，但係我可以好清楚咁聽到佢講嘅嘢，因為呢把聲真係又尖又大聲。

原來啊諾就係去搵呢兩條女...

啱啱講嘢嘅就係其中一個女仔，佢帶住文青幼框眼鏡，着住白色嘅恤衫，黑色嘅短裙。

恤衫上面透左個黑色蕾絲bra，目測猜測應該有C.....身高就大概160左右...



而企係佢隔離嘅就平平無奇冇咩特別 着住一件白色嘅公廁champion tee 同長牛仔褲既女仔.....

等陣先...好似有少少熟面口，呢個咪chloe！

我靜觀其變，見到chloe好唔耐煩咁撳緊手機，而隔離嗰條女就好熱情咁同啊諾講野...

女：「你快d試下好唔好食啦，呢盒曲奇係我親手整既第一盒曲奇黎㗎......」

條女越講越細聲，我都開始聽唔到佢講咩....

佢用手遮住自己塊面，然後扮到好怕醜咁樣。

我再望下啊諾，佢呢個時候啱啱擺左塊曲奇入口。

佢個樣重要好幸福咁樣...哇啊諾，你唔係下話，為左條女，做埋影帝喎！



諾：「多謝你啊，呢d曲奇真係好好食啊」

女：「唔洗客氣，你鍾意既不如我個個禮拜都整比你食丫！」

諾：「好啊好啊你整既我就一定食！」

啱啱望住啊諾同條女講野嗰陣，佢既視線係無離開過條女個胸！

因為以啊諾156cm既身高，都正常既...

鹹濕仔！同人講野嗰陣望住人個胸講野！我真係覺得自己識錯朋友.....

女：「咦做咩望住我件衫啊？我件衫污糟左？」



諾：「唔係啊唔係啊件衫好靚姐呵呵」

女：「咁就好啦。」

大佬啊人地件恤衫純白你都可以話件衫好靚...我真係服左你...

呢個時候，chloe終於開口

chloe：「點啊你兩個搞掂未啊，我趕時間啊大佬！」

女：「好啦好啦，我地whatsapp再講啦！拜拜啊諾！」

諾：「拜拜！」

哇死仔包，幾時抄埋人牌我都唔知！