《純愛》平安夜的天使 (完): 第十二章

第十二章

個「分手事件」完咗之後，Lavina同我行上咗架巴士，求其搵兩個位坐低比大家冷靜下，話曬突然間發生咗啲咁嘅事，同埋Lavina啱啱所講嘅嘢都令我有啲嚇親⋯

幾分鐘之後⋯

我/Lavina:「呀⋯⋯係呢⋯」我哋同時開聲，尷尬咁笑咗一笑⋯

我：「係呢，Lavina呀⋯⋯」



Lavina:「其實你可以叫我曉桐，我都知我英文名難讀㗎喇⋯⋯」你識讀心㗎？
「我唔識呀。」喂，好假喎⋯

我：「嗯，好呀。我個名叫何永遊,叫我⋯」
「阿遊吖嘛！知啦阿遊！😊」佢好興奮咁叫我個名⋯

過一陣之後，佢望住個窗口問我：
「係呢？其實你鐘意啲咩類型嘅女仔㗎？」

我：「我鐘意⋯妳囉！」



Lavina:「咪玩啦，認真㗎！我好羨慕有人會搵你做佢男朋友㗎⋯」嘩，讚到我咁話啦下話⋯

我：「我鐘意嘅女仔係願意同我一齊共同盡退，願意同我一齊享受喜樂哀樂同有開心或唔開心都同我講，兩個之間無秘密⋯同埋要有少少小朋友脾氣～」

Lavina好大聲咁講:「嘩，你鐘意蘿莉㗎！？」

我：「唔係呀！咁佢扮可愛嘅時候我可以好好保護佢，但係我需要佢嘅，佢願意同我捱⋯就好似Kelsey咁⋯」

Lavina:「sorry呀⋯⋯」



我好愕然：「吓？做咩呀？」

Lavina:「令你諗起佢⋯」

我：「乜妳以為妳唔提起佢，我就唔諗起佢㗎喇咩？無用㗎⋯我坐巴士嘅時候會諗起佢，喺cafe嘅時候又會諗起佢，返屋企嘅時候都會諗起佢⋯」

Lavina:「嗯⋯」

我：「所以，冇得避㗎⋯ 就好似妳啱啱同個女仔咁講，佢最好嘅記憶永遠都係妳心裏留住，同時亦都係一個經驗，比妳哋好好去搵一個愛妳嘅人吖嘛～」

Lavina:「嗯～你啱嘅～老細講咩都係啱嘅～」

我：「哼！原來到現加仲當我只係妳老細嘅～咁妳聽日唔洗返工啦～」



Lavina:「唔好呀～sorry呀老細～」

我：「啊！妳仲講！」

Lavina：「哈哈⋯」

「下一站，九龍公園，next stop, Kowloon Park」

Lavina:「我到啦，聽日見啦⋯」佢起身，走去巴士門口，嗰一瞬間⋯

Kelsey/Lavina:「88，聽日見～」就係嗰一瞬間，我見到Kelsey...

架車開咗，遠離咗佢之後，忍唔住流下咗兩行清淚⋯






「值得慶幸嘅係，我喺另一個人身上搵到部分屬於妳嘅影子。但不幸嘅係，當佢同我講再見嗰刻；我諗起妳當初點樣連道別都冇，就離開左我嘅世界⋯」