《純愛》平安夜的天使 (完): 第十三章

第十三章

「係～兩杯mocha一杯cappuccino,多謝你⋯」

「喂阿遊，冇曬latte豆呀，去後面攞呀！」

「我去攞呀！Marcus，你繼續收住錢先⋯」

今日話曬係12月31號，人流係多到氣都抖唔到⋯



Lavina:「兩位呢到請坐呀，我執執嘢先」

客：「唔該～」Lavina今日第一日返工，但佢應該睇慣我點應對客人，加上佢之前都有返過part time，做落好快手～佢今日扎左馬尾同著咗件藍色恤衫加黑色西褲，比我感覺好似Kelsey...

Lavina:「做咩眼甘甘咁望住我呀？」比佢發現咗⋯

我：「冇⋯冇呀⋯ 喂睇住呀！」

「乒乓！」爆玻璃嘅聲，Lavina前面個客跌咗個杯



Lavina:「唔好意思，唔好意思⋯」佢都無預到有咁嘅情況發生，因此有啲束手無策⋯

我：「都叫咗妳㗎啦～ 妳去收錢先啦，我黎執得啦⋯」我行咗過去，係踎低執嘅時候，同佢四目相對，今日嘅佢⋯好靚⋯

Lavina:「我⋯我去櫃臺先啦！」睇黎佢都feel到尷尬，所以都急急腳返去做嘢


幾個鐘之係

？：「Hihi~ 午安呀阿哥～」大家都估到邊個黎啦⋯



我：「Hi~咦？」阿Mel隔離有個男仔，應該係佢之前鐘意咗好耐嗰個男仔

？：「Hi...Hello...」怕羞到咁，同阿Mel成好多嘅對比

Mel：「嗱阿Ken，同你介紹，呢個係我堂哥Marcus...」佢手指住我

我：「Hi~你係阿Mel男朋友？」

Mel/Ken:「唔係唔係～」睇黎估中咗⋯

Mel:「呢兩位係我堂哥嘅同事兼朋友，阿倫同Priscilla...」

Pricilla同佢哋講咗聲hello之後就返咗去做嘢



阿倫：「喂小妹妹，帶男朋友黎見家長呀～😏」阿倫一有機會就乘機蝦個衰妹

Lavina:「喂呀～都話係朋友咯！咦，呢位係⋯」佢見到係後面嘅Lavina，正當我想同阿妹介紹嘅時候，Lavina卻搶先一步答咗

Lavina:「Hello，我叫Lavina，係新黎㗎！」阿Mel望一望佢，之後再望一望我⋯

Mel：「我照舊啦，Ken你飲咩呀？」

Ken：「我要杯Americano呀⋯」

倫：「好嘢，受得苦，Mel姐～搵到條好仔喎⋯」


過一陣之後，當阿Ken入咗廁所嘅時候，阿Mel示意叫我過去



我：「做咩呀？」

Mel:「你哋不嬲唔收人㗎，點解突然間會收嘅？」

我：「一言難盡⋯」

Mel：「我唔信，講啦！」我之好講曬由平安夜到現加同佢經歷
「嘩～幾日就咁精彩啦～睇黎去得過喎⋯」

我：「妳想講啲咩？」

Mel：「我話，你都係時候重新出發啦～」

我：「妳係指我同Lavina？幾日咋喎⋯」



Mel:「女人心，海底針。同埋佢比我嘅感覺係佢已經識咗你好耐咁，唔單止幾日咁簡單，我啱啱見到佢嘅時候，我都覺得我好似見過佢⋯」吓，好耐？遇返前世情人？唔係呀⋯
「喂唔講啦，阿Ken出黎啦！」

我：「咁我返去先啦。」返到櫃臺之後，我一直諗返阿Mel講嘅嘢，我好耐之前已經識佢？咁點解佢會知我喺到架？唔通佢返黎就係搵我？唔係呀！我又唔係佢小學同學⋯唔會掛....




「每個人心底最深處都有掛好難忘嘅回憶，但經歷咗歲月嘅清洗，已一一淡忘⋯」