《純愛》平安夜的天使 (完): 第三十一章

第三十一章

「係啦，阿遊呀⋯」

「做咩呀？」

收工之後，Lavina同我喺去巴士嘅路上，我同佢全程冇出聲，感覺有啲尷尬，所以我想問佢有關Angel嘅事，點知佢開口先⋯

Lavina：「冇～想問你攞ig啫～不過以你呢種人黎講，有用Facebook都偷笑啦～」我正想輕彈咗佢額頭，佢馬上退後：
「知你想點喇衰佬😜」呢個傻婆真係呢⋯


「攞黎啦～」佢一嘢搶咗我部電話，仲破埋我個密碼⋯

我：「妳⋯點知我個password㗎！？」我好驚訝，我又唔係改咗啲咩生日日期或任何同自己有關嘅數字㗎喎⋯

Lavina:「妳揀開鋪日期黎做密碼咁得意都有嘅⋯我諗都係得你先會諗得出～」無辦法，因為間鋪都我同佢哋兩公婆黎講都好重要，呢個係我哋嘅理想，我哋嘅世外桃源⋯

轉眼間佢已經開咗佢個ig⋯

我：「洗唔洗咁多人呀⋯⋯」幾千個follower，真不愧為Kelsey mk2，但⋯哪來咁多嘅follower呀？問下先！
「係喎，我一直無問妳大學讀咩添，我之前修心理嘅～」



Lavina:「心理學家黎沖咖啡？咁得意嘅～」

我：「心理係for興趣，同埋心理現加喺香港嘅出路太少，高至心理醫生、低至到社工⋯」唉，現加啲人冇個會肯睇心理醫生，只識將自己啲嘢收收埋埋唔話俾人知，積積埋埋最終患抑鬱⋯唉⋯

Lavina：「心理我都有諗住收，不過最後都係揀咗Art...」咪同Kelsey一樣！？
「當初第一次黎cafe嘅時候覺得呢到嘅牆紙同掛畫好啱我合味，俾人一股異國風情，與世無爭嘅感覺⋯係呢，邊個諗呢個idea出黎㗎？」

我：「係Kelsey諗嘅⋯佢話『想做一個俾人可以觀看世界、人生百態嘅環境』，所以⋯」講到呢到我再次忍唔住諗返起嗰單意外⋯ 對唔住，Kelsey⋯



Lavina向前一傾，面微微向上，之後佢話:「咁佢真係做到咗呢一點，因為我黎嘅時候，就係有呢種感覺😁」佢嘅笑容為我帶黎暴風雨後嘅太陽一樣⋯就好似當年嘅Angel一樣⋯

我擰轉身抹乾返啲眼淚，比佢察覺到⋯

Lavina:「做咩呀？😏男人老狗喊呀？」

我：「無喎⋯點似得妳呀！喊包！」

Lavina:「呀你！你⋯同我企喺度！」佢正想打我嘅時候，我已經以9秒9嘅跑速跑開咗

我：「又俾妳打多鍋呀？我睬妳都傻呀～」

Lavina:「你⋯你咪走呀！」最尾兩條廿幾歲嘅小學雞喺條街度玩捉伊人⋯





「與其要強顏歡笑，咁倒不如唔好笑⋯ 因為，咁係連自己都呃埋⋯」