《純愛》平安夜的天使 (完): 第三十四章

第三十四章

「哈哈～哈哈哈～」

「嗯？」

「黎一齊玩啦！」

「佢⋯佢係？」



「叮叮叮⋯⋯啪！」我咁耐以黎第一次超想打爆個鐘，但喺夢中嘅嗰個人係⋯我只見到喺我以前細個時候一直去嗰個公園到玩，但佢係邊個⋯ 我⋯呀！越諗越眼瞓！算啦！諗黎諗去都係得咁少嘢諗到，返cafe先再算⋯

倫：「喂～你聽日唔係已經諗掂咗喇咩，做咩今日仲惡化咗㗎⋯」今日喺星期六，所以一早就有客，所以⋯

輝：「可能佢諗緊啲女女呢～」阿輝係我同阿倫嘅大學老死，以前基本上有咩事我哋三個都都互相關照對方，不過佢行嘅路同我哋唔同，最後係去咗做會計，話咩話要喺三十歲前同自己老婆環遊世界喎～ 不過佢現加有樓有女有車有曬名咁，根本上有與錢有關嘅事都會搵佢⋯ 啱啱開cafe嘅時候阿倫計少咗足半年嘅總成本加收入，好在阿輝嗰時話想睇下本數簿時發現，如果唔係就實俾Priscilla打死都似⋯

我：「諗鬼女咩⋯」連佢都估到⋯我係咪真係咁好估呀⋯

輝：「呀係！有樣嘢差啲唔記得同你兩條友講！我公司嗰邊後晚有個高級宴會，員工可以邀兩個人黎，咁你哋⋯」



倫：「我黎！但俾唔俾帶伴黎先～兩條麻甩佬去高級宴會會唔會⋯」

輝：「呢層你就唔洗擔心，伴就一定俾你帶嘅⋯ 但阿遊你就⋯」佢又好疑惑嘅眼神望住我，眼神俾我嘅signal係「老死開聲，你唔係唔黎呀🤨」，唉⋯

我：「得啦得啦，我黎啦得未？🙄」真係冇你收呀⋯但係⋯
「喂，阿輝。我同阿倫唔同喎！佢有Priscilla啫，我冇伴喎⋯」

倫：「你慳啲啦！你會冇伴！？大大個Lavina喺度你唔問⋯」

Lavina:「阿倫你搵我有事？」喺後面櫃執緊嘢嘅佢聲到阿倫叫佢個名



倫：「冇～阿遊話想約妳做佢喺後晚嘅高！級！宴會嘅伴！喎～」嘩！咁拋個波過黎俾我都有嘅！你條友真係呢⋯

Lavina:「真係！？我去我去！」嘩⋯你唔係好怕去party㗎咩⋯
「高級宴會同一般啲垃圾party唔同嘅～」咁都俾你讀到⋯

我：「唉⋯咁後晚早啲收鋪返屋企換衫先再去啦⋯阿倫你等間喺Priscilla返黎嘅時候講返呀！」


倫：「知啦～」




「懂得社交唔難，但要喺社交場合上做保留自我先難」