《純愛》平安夜的天使 (完): 第三十三章

第三十三章

「做咩喊呀？」

「⋯」

過咗十五分鐘，佢都坐喺到一句嘢都唔講⋯ 咁我又無理由就咁走咗去㗎⋯咁我只好開話題分散佢注意力啦⋯

我：「妳仲記唔記得嗰晚我同妳傾起有關嘅事嘅？妳現加俾我嘅感覺似足當年嗰個女仔一模一樣⋯」Lavina依然一句聲都無出⋯
「佢個名叫Angel⋯」Lavina聽到個名之後好多反應咁企咗起身，我一時之間都俾佢嚇咗一嚇⋯


「做⋯做咩？」

Lavina面輕微咁抽搐咗一下，之後好唔自然咁講：「無⋯無嘢呀⋯都夜㗎喇，不如一邊行一邊講啦⋯」我睇佢咁唔自然嘅動作，同埋好似好緊張嘅表情，我都係照佢嘅說話做啦⋯

我：「好⋯好呀⋯」之後一齊行一邊講關於我同Angel嘅過去⋯
「Angel佢一個好內向嘅女仔，佢唔多講嘢，但係一但同佢熟就講好多嘢⋯」你話我點知？我返時不時都見佢同佢啲fd玩埋一齊同傾計，但對著我就咩聲都唔出⋯
「佢亦都係我人生中第一個因為我而笑嘅女仔⋯一個喺我心裏好重要嘅一個人⋯」

Lavina聽到我講完之後，深呼吸咗一下，喺月光嘅襯托下，更顯出佢嘅堅定同決意，佢同我講：「其實阿遊呀⋯我喺兩年前⋯」而我都一早已經估到了⋯



我：「我一早就估到妳係當晚救我嗰女仔啦⋯ 你話『將來有機會嘅話，咪話你知囉😜』而妳喺上年平安夜再次出現，並喺咁短時間裹面完全理解到我，妳⋯」我話都未完，佢就錫咗落我嘴到，但同上次唔同嘅係佢係清醒嘅、蜻蜓點水嘅一秒⋯

Lavina:「睇黎真呃唔到你呀⋯ 我好鐘意你，咁多年黎都係⋯所以⋯我會一直喺你身邊陪住你、支持你😊」咁多年黎？
「而我係邊個呢樣嘢，我會留俾你自己解開⋯機會得一次喔～」

我：「妳係邊個？妳咪『周曉桐』、『Lavina』囉！妳咁講係⋯」

Lavina：「錯～我俾多最後一次機會俾你，你慢慢諗啦～我到啦，聽日見啦👋」佢嘅背影⋯
「An...」話都未完，佢已經入咗大廈入邊⋯



我喺行返去嘅時候諗起好多個問號⋯
佢住嘅地方就喺我隔離，但點解要早兩個站呢？浪費成十五、二十分鐘嘅時間行返去呢⋯
真正嘅佢係邊個呀？以前某個暗戀過我嘅女仔、Angel? 唔通真係Kelsey轉世？呢個係現實呢㗎大佬！？唔好玩咩超自然現象啦⋯

我：「媽，我好亂呀！」



「我會永遠等你，阿遊⋯就好似當年你等我一樣⋯」



「我哋人生中有好多幫過我哋嘅伯樂，但真正仲記得嘅，又有幾多個呢⋯」