《純愛》平安夜的天使 (完): 第三十六章

第三十六章

「阿遊，Priscilla姐話⋯」

「我知⋯我收到阿倫whatsapp⋯」

剪完頭髮之後阿倫發whatsapp話叫我哋直接去會所，睇見由屋企去會所太遠，所以截架的士直接去算⋯

去到會所之後



倫：「乜你哋咁遲黎㗎⋯咦😏靚仔咗好多喎～」

Priscilla:「嘩～你哋兩個曳曳呀～著得咁靚仔靚女，成個王子同公主咁～羨慕死人咩～」

Lavina好急不及待咁捉住Pricilla手臂：「唔好講住先啦，入去先啦～」

臨入場前

倫：「你兩個，知點做啦？」



Lavina:「放心啦阿倫，我會拖住Priscilla姐㗎啦，同埋呢樣嘢，我唔會亂黎嘅～」Lavina就去拉住Priscilla姐去食嘢，而我同阿倫、阿輝去準備啦，話哂⋯今日係阿倫求婚嘅大日子⋯

半個鐘前，喺的士上嘅時候阿倫打電話俾我

倫：「喂？阿遊，Lavina喺唔喺你隔離呀？」

我：「係呀做咩？」佢打得黎，我睇9成9係緊要事⋯

倫：「開speaker，有樣嘢想你哋兩個幫手⋯」阿倫竟然都有口窒窒嘅時候，平時吹水唔抹咀嘅佢，睇黎佢係真係有緊要事⋯



我：「講啦！口窒窒做咩呀？」

倫：「無⋯無，其實阿輝今日叫你哋黎宴會除左係for fun之外，其實仲係想你哋幫忙，因為⋯我⋯想求婚呀！」

我/Lavina:「What!?求婚」我同Lavina都大嚇一驚，我本身都係以為啲咩週年紀念或者提早慶祝生日之類嘅嘢，點知原來係求婚⋯真係估唔到呢條衰仔終於肯娶人啦～

我：「咁你想我哋點呀！」做兄弟嘅點都要撐嘅～唔撐正衰仔！

倫：「Lavina就幫我拖住阿雯(Priscilla嘅中文名)得喇，而阿遊你⋯等間到咗再同你講⋯」

我：「嗱⋯我咩都得，就係跳舞唔得呀！」

倫：「得啦！係咁！」

Lavina：「妳話佢會叫你做咩吖喇？」



我：「點知佢呀⋯不過，話哂咁多年兄弟，由追Kelsey到開cafe，佢都幫咗我唔少⋯今次當報恩啦😤」

Lavina：「佢有你呢個兄弟真好～」

我：「妳都知我好呢～」

Lavina:「唔知就唔會鐘意你咁⋯咁耐啦⋯」佢又面紅啦⋯搞到我都尷尬埋一份⋯

我：「不⋯不如妳都諗定點分散Priscilla嘅注意力先啦，我都準備定先啦，唔知阿倫條pk會唔會叫我做苦力呀⋯」

Lavina：「嗯～等間加油💪」

我：「嗯！」






「我哋一生人當中會鐘意好多人，但卻只會永遠愛一個人」