第三十七章

「吓你認真㗎?」

「係呀!除咗你,我諗唔到邊個可以唱歌呀!」


估唔到佢竟然要我代佢唱歌,除咗上次幫Lavina分散注意力嗰次之外,我都已經好耐無唱歌⋯話哂當年我會去練唱歌就係諗住唱俾Kelsey聽⋯

我:「喂!你都知我現加唔唱㗎⋯」



倫:「你當年都練咗好耐啦,當現加有機會表演返次囉~唔該你呀大佬🙏」

我:「咁點解你唔自己唱呢?你有練開結他㗎,練埋唱歌應該⋯」當年我啱啱識佢嘅時候我去過佢屋企,見到佢間房有枝結他,咁多人入面應該得我同阿輝知佢識彈結他⋯

「你估我唔想親自唱咩⋯但你知我啲魔音㗎啦⋯ 點練都練唔到嗰首歌,太輕音啦⋯我呢啲粗礦嘅聲唱唔到咁溫柔呀⋯」阿倫開始調結他嘅音準⋯
「唔知咁耐無彈會唔會柒呢?」

我:「咪住先,你想唱我當年揀俾Kelsey嗰首?」



倫:「唔係⋯係陳奕迅嘅《喜歡一個人》呀~」嗰首歌當年一出,阿倫就即刻去練呢首歌,但過咗一陣就無再練,之前我仲以為佢已經放棄咗⋯估唔到佢原來一直係等緊呢個機會去彈俾Priscilla聽~
「咁你幫唔幫呀?兄弟?😢」頂~男人老狗喺到扮喊,換著第個我一早我打柒咗你啦!

我:「啊得啦得啦😒!但我唔記得歌詞喎😶」

倫:「都知你㗎喇~嗱!」佢俾咗份歌詞我,上面嘅音符同高音位,佢全部mark低哂,睇黎佢今次好努力咁去準備,我都替Priscilla開心佢有個咁落力嘅男朋友⋯
「行啦~」

••••••••••••••••••••••••••••••••••••••••••••••••



喺另一邊,Priscilla開始擔心阿倫

Priscilla:「個衰佬,去咗邊呀?電話又唔俾個,人又玩玩失蹤,等間返黎就知味道!」佢雖然依舊咁口硬,但由佢那既緊張又起伏不定嘅聲線中可以聽得出Priscilla係有幾咁擔心阿倫⋯
「洗唔洗出去打電話搵佢呀?」佢兩個出咗去都已經過咗個幾鐘,正常人都會開始緊張⋯

Lavina:「可⋯可能佢哋去咗同阿輝聚舊呢~哈哈⋯」Lavina由阿遊同阿倫走咗嗰即該開始就一直拖住Priscilla,但睇黎都就黎頂唔住喇⋯
「快啲啦,阿遊⋯」

突然,場內所有燈熄哂,場內一面昏暗,之後漸漸見到台上出現咗兩個人,所有射燈都照射住佢哋兩個⋯

Priscilla:「阿倫同阿遊?佢兩個搞咩呀?」

遊:「呢⋯呢首歌係送俾我兄弟嘅女朋友-林蔚雯㗎:《喜歡一個人》」話口未完,阿倫嘅結他便響起那溫柔動人嘅前奏~

「你愛浪漫的秋意 我愛夏日長


你愛為未知打算 我計劃現況
結伴可以 是各自各欣賞 
相處不拘讓各自各一樣忙

你愛造夢儘管試 我會合力設想
終於實現的一刻 我會在現場
千種快樂 從分享裡面擴張 失意不相干

如覺得 喜歡一個人
好比一首歌只有你可一起唱
當中的高低音韻跌蕩亦尋常
從心去領會一小節一小節發展 才理想
喜歡一個人 不管多珍惜當初一起的景況
都交給雙方天空海闊的方向
如感覺未忘 今天這歌聲結束


一天也始終碰上」


台下掌聲鋪天蓋地,Priscilla更衝上台擁吻阿倫~阿遊亦都行返落台搵Lavina,但話哂今章嘅主角係阿倫,俾返喺台上嗰兩個先啦~

「原來你識彈結他㗎,你唔早講!我要你以後只彈俾我聽呀!」Priscilla好激動咁同阿倫講

倫單腳脆,之後抬頭對Priscilla講⋯
••••••••••••••••••••••••••••••••••••••••••••••••



「同真心相愛嘅人一齊,係人生中最美好嘅童話」